ឡូហ្គោ SEA Games 2023 ដែលកម្ពុជាធ្វើម្ចាស់ផ្ទះត្រូវបានឯកភាពទាំងស្រុងហើយ
- 2020-07-02 11:22:22
- ចំនួនមតិ 0 | ចំនួនចែករំលែក 0
ឡូហ្គោ SEA Games 2023 ដែលកម្ពុជាធ្វើម្ចាស់ផ្ទះត្រូវបានឯកភាពទាំងស្រុងហើយ
ចន្លោះមិនឃើញ
ស្លាកសញ្ញា និងនិមិត្តសញ្ញាប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ត្រូវបានឯកភាពទាំងស្រុង នេះបើតាមប្រសាសន៍របស់ឯកឧត្ដម វ៉ាត ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡា Sea Game 2023 (CAMSOC)។
ក្រោយកិច្ចប្រជុំបូកសរុបលទ្ធផលឆមាសទី១ ឆ្នាំ២០២០ របស់ CAMSOC ឯកឧត្ដម វ៉ាត ចំរើន បានមានប្រសាសន៍ថា ក្នុងកិច្ចប្រជុំនេះបានសម្រេចឯកភាពទាំងស្រុងលើស្លាកសញ្ញា និងនិមិត្តសញ្ញា ចំណែកឯបាវចនារបស់ Sea Game ឆ្នាំ២០២៣វិញ ឯកភាពជាគោលការណ៍ តែនៅកែតម្រូវតិចតួច។
ឯកឧត្ដមបានបន្ថែមថា កិច្ចប្រជុំនេះក៏បានសម្រេចឲ្យរៀបចំពិធីរាប់ថយក្រោយចំនួន ១ពាន់ថ្ងៃ ដោយរាប់ចាប់ពីថ្ងៃទី៧ ខែសីហា ឆ្នាំ២០២០ រហូតដល់ថ្ងៃទី៥ ខែឧសភា ឆ្នាំ២០២៣។
សូមបញ្ជាក់ផងដែរថា កិច្ចប្រជុំបូកសរុបលទ្ធផលឆមាសទី១ ឆ្នាំ២០២០ របស់ CAMSOC ដឹកនាំដោយសម្តេចពិជ័យសេនា ទៀ បាញ់ រួមទាំងទេសរដ្ឋមន្ត្រី រដ្ឋមន្ត្រី អភិបាលខេត្ត ដែលជាអនុប្រធាន និងប្រធានគណៈកម្មការជំនាញទាំងអស់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
