Koemanបញ្ជាក់ច្បាស់ៗថា Depay ជិតត្រូវរ៉ូវនឹង Barcelona មែនទែនហើយ

2021-06-17 13:00:09
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ronald Koeman គ្រូបង្គោលក្លឹប Barcelona បាននិយាយនៅក្នុងថ្ងៃនេះថា ខ្សែប្រយុទ្ធក្លឹប Lyon កីឡាករ Memphis Depay ជិតត្រូវរ៉ូវមកលេងឲ្យក្លឹបលោកមែនទែនហើយ។

Koeaman បាននិយាយថា៖" Depay គេបាននិយាយខ្លួនគេរួចហើយពីរឿងមកលេងឲ្យក្លឹប Barca យើងនេះ អញ្ចឹងហើយខ្ញុំអាចបញ្ជាក់ត្រង់ៗបានហើយ។ មកទល់នឹងពេលនេះគឺថាពួកយើងបានធ្វើការចរចានិយាយជាមួយគ្នាបានល្អ។ ទោះជាឥឡូវនេះគេមិនទាន់បានចុះកុងត្រាជាមួយយើងក្ដី ប៉ុន្តែគេនឹងយើង គឺជិតត្រូវគ្នាមែនទែនហើយ "។

លោកបានបន្តថា៖" និយាយទៅខ្ញុំចង់បញ្ចប់កិច្ចចរចា ហើយចុះកុងត្រាយកគេនៅខែមករា ឆ្នាំក្រោយនេះ តែបើគេចង់មកឥឡូវតែម្ដង គឺកាន់តែអស្ចារ្យណាស់សម្រាប់ពួកយើង "។

គួរបញ្ជាក់ផងដែរថា Depay ក៏បានធ្វើការបញ្ជាក់កាលពីពេលថ្មីៗនេះដែរថា គេចង់លេងនៅក្រោមការដឹកនាំរបស់ Koeman អញ្ចឹងហើយគេឲ្យអ្នកគាំទ្រទាំងអស់រង់ចាំតាមដានមើលរឿងមួយនេះ៕

ប្រភព៖ Goal អត្ថបទ៖ សេរី មង្គល