ខុសពី Ronaldo! ខ្សែប្រយុទ្ធអ៊ុយក្រែន យកដប Coca និង Heineken មកដាក់មុខតែម្ដង

2021-06-18 02:36:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Andriy Yarmolenko បានក្លាយជាកីឡាករម្នាក់ដែរក្នុងការចូលរួមបង្ហាញកាយវិការទាក់ទងទៅនឹងរឿងដប Coca-cola និង Heineken នៅសន្និសីទ។

កីឡាករលេងនៅក្លឹប West Ham ខាងលើនេះ ជាអ្នករកគ្រាប់បាល់មួយគ្រាប់ជួយក្រុមជម្រើសជាតិអ៊ុយក្រែន យកឈ្នះលើក្រុមម៉ាសេដូន ក្នុងលទ្ធផល ២-១ កាលពីយប់មិញនេះ។ នេះជាជ័យជម្នះលើកដំបូងសម្រាប់អ៊ុយក្រែនក្នុងពានរង្វាន់ Euro តាំងពីឆ្នាំ២០១២មក ហើយការទទួលបាន៣ពិន្ទុនេះ ក៏បានធ្វើឱ្យក្រុមនេះមានឱកាសប្រជែងប្រកួតចុងក្រោយឡើងទៅវគ្គ១៦ក្រុមចុងក្រោយផងដែរ។

អ្វីដែលគេកាន់តែចាប់អារម្មណ៍បន្ថែមទៀតនោះគឺ Yarmolenko ក្នុងសន្នីសីទតែម្ដង។ កីឡាកររូបនេះ បានប្រមូលដប Coca-cola និង Heineken មកដាក់មុខតែម្ដង ដែលនេះជាទង្វើខុសពីខាង Ronaldo ដែលបានយកដបនេះចេញ ហើយប្រាប់ឱ្យផឹកទឹកវិញល្អជាង។ Yarmolenko បាននិយាយថា៖ “តើខ្ញុំអាចធ្វើអ្វីខ្លះបានទេ? ខ្ញុំបានឃើញ Ronaldo បានធ្វើបែបនេះ។ ខ្ញុំចង់យក Coca មកទីនេះ ហើយ Beer មកទីនេះ។ ឱ្យវានៅជិតគ្នាហ្នឹងហើយ”៕

ប្រភព៖ www.afp.com អត្ថបទ៖ ប្រុស យុទ្ធ