Fernandinho អះអាងថា Man City ទិញ Ronaldo មិនបានដោយសារតែមូលហេតុនេះ

2021-09-15 11:03:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រេស៊ីល Fernandinho បានអះអាងថា ក្លឹប Manchester City បរាជ័យក្នុងការនាំចូលខ្សែប្រយុទ្ធព័រទុយហ្គាល់កីឡាករ Cristiano Ronaldo កាលពីពេលកន្លងទៅ ក៏ព្រោះតែខាងសារព័ត៌មានទម្លាយរឿងចរចារវាងក្លឹប នឹងភ្នាក់ងាររបស់ Ronaldo លោក Jorge Mendes។

កីឡាកររូបនេះប្រាប់ ESPN ថា៖ "ខ្ញុំគិតថា Man City មានឱកាសមួយដ៏ល្អ និងគួរឱ្យកត់សម្គាល់ណាស់ក្នុងការទិញ Ronaldo។ ខ្ញុំគិតថា ភ្នាក់ងាររបស់គេ [Ronaldo] មកក្លឹបរបស់យើង ហើយបន្តកុងត្រាថ្មីឱ្យ Ederson (អ្នកចាំទីប្រេស៊ីល) Ruben Dias (ខ្សែការពារព័រទុយហ្គាល់) Bernardo Silva (ខ្សែបម្រើព័រទុយហ្គាល់) និង Joao Cancelo (ខ្សែការពារព័រទុយហ្គាល់) ''។

Fernandinho យល់ឃើញថា លោក Mendes ច្បាស់ជានិយាយជាមួយខាង Manchester City អំពីខ្សែប្រយុទ្ធ Ronaldo។ យ៉ាងណាមិញ ក្រោយមកក៏លេចឮពាក្យចចាមអារ៉ាមថា Man City មានបំណងនាំចូល Ronaldo។ រឿងនេះហើយបង្កឱ្យការចរចាបរាជ័យ។

ខ្សែបម្រើប្រេស៊ីលរូបនេះបានបន្ថែមថា បរាជ័យក្នុងការទិញ Ronaldo មិនត្រឹមតែប៉ះពាល់ដល់អ្នកគាំទ្រទេ តែអ្នកនៅក្នុងក្លឹបក៏ឈឺដែរ។

មុនពេល Ronaldo មក Manchester United ជាផ្លូវការ សារព័ត៌មានជាច្រើនបានចុះផ្សាយ Manchester City ជាបេក្ខភាពនាំមុខមួយក្នុងការនាំចូលកីឡាកររូបនេះ តែចុងក្រោយ Ronaldo មកបិសាចក្រហមវិញ៕

ប្រភព៖ Goal ប្រែសម្រួល៖ ហ៊ីម រស្មី