ប្រធានាធិបតីកូរ៉េខាងត្បូង ពិចារណាហាមឃាត់ បរិភោគសាច់សត្វសុនខ
- 2021-09-28 11:18:54
- ចំនួនមតិ 0 | ចំនួនចែករំលែក 0
ប្រធានាធិបតីកូរ៉េខាងត្បូង ពិចារណាហាមឃាត់ បរិភោគសាច់សត្វសុនខ
ចន្លោះមិនឃើញ
លោក Moon Jae-in ប្រធានាធិបតីប្រទេសកូរ៉េខាងត្បូង កំពុងធ្វើការពិចារណា ហាមឃាត់បរិភោគសាច់សត្តសុនខ នៅក្នុងប្រទេសរបស់លោក។ នេះបើយោងតាមការចុះផ្សាយរបស់ BBC ក្នុងថ្ងៃនេះ។
ប្រធានាធិបតីរូបនេះ ដែលត្រូវបានគេស្គាល់ថាជាអ្នកស្រលាញ់សត្វសុនខ បានលើកឡើង នៅក្នុងជំនួបប្រចាំសប្ដាហ៍ជាមួយលោកនាយករដ្ឋមន្ត្រី Kim Boo-kyum កាលពីថ្ងៃច័ន្ទ ម្សិលមិញនេះថា វាគួរតែដល់ពេល ដែលគិតគូរដល់ការហាមឃាត់បរិភោគសាច់សត្វសុនខហើយ។
តាមពិតទៅសាច់សត្វសុនខជាប្រភេទសាច់សត្វមួយប្រភេទ ដែលទំនៀមទម្លាប់របស់កូរ៉េតែងតែបរិភោគរហូតមក ប៉ុន្តែនៅក្នុងពេលថ្មីៗនេះចំនួនការបរិភោគសាច់សត្វប្រភេទនេះត្រូវបានគេសង្កេតថាមានការធ្លាក់ចុះជាខ្លាំង ដោយសារតែក្មេងៗមិននិយម ក៏ដូចជាសម្ពាធពីអ្នកស្រលាញ់សត្វប្រភេទនេះ។ យ៉ាងណាក្ដីសត្វសុនខជាង ១លានក្បាលនៅតែត្រូវបានគេសម្លាប់ដើម្បីធ្វើជាអាហារជារៀងរាល់ឆ្នាំនៅក្នុងកូរ៉េខាងត្បូងនេះ។
គួរបញ្ជាក់ផងដែរថា នៅក្នុងប្រទេសកូរ៉េខាងត្បូងនេះមានច្បាប់ហាមឃាត់សម្លាប់សត្វសុនខ និងសត្វឆ្មាតាមរូបភាពព្រៃផ្សៃរួចទៅហើយ ប៉ុន្តែច្បាប់ហាមឃាត់បរិភោគសាច់សត្វទាំងនេះ មិនទាន់មាននៅឡើយទេនៅក្នុងប្រទេសនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
