Man City ប៉ះ PSG ក្នុងប្រកួត UCL ជាការប្រកួតមានតម្លៃថ្លៃបំផុតបំផុតលើលោក
- 2021-09-28 13:35:39
- ចំនួនមតិ 0 | ចំនួនចែករំលែក 0
Man City ប៉ះ PSG ក្នុងប្រកួត UCL ជាការប្រកួតមានតម្លៃថ្លៃបំផុតបំផុតលើលោក
ចន្លោះមិនឃើញ
ការប្រកួតរវាងក្លឹប Manchester City និងក្លឹប Paris Saint Germain ក្របខ័ណ្ឌ UEFA Champions League នៅម៉ោង២ យប់រំលងអធ្រាត្រនេះ (ម៉ោងកម្ពុជា) ត្រូវបានគេចាត់ទុកជាការប្រកួតដ៏មានតម្លៃខ្ពស់បំផុតនៅលើលោកនេះ ដោយសារតែក្លឹបទាំងពីរនេះជាក្លឹបមានតម្លៃខ្ពស់បំផុត និងជាអ្នកមានលុយចំណាយច្រើនបំផុតនៅក្នុងពេលនេះ។
បើយោងតាមទិន្នន័យរបស់ Transfermarket ក្លឹប Man City មានតម្លៃសរុបជាង ១.១៧ពាន់លានដុល្លារ ខណៈឯ PSG វិញមានតម្លៃសរុបប្រហាក់ប្រហែលនឹងគ្នានេះដែរគឺ ១.១៦ពាន់លានដុល្លារ ដែលតម្លៃក្លឹបទាំងពីរសរុបចូលគ្នាជាង ២.៣៣ពាន់លានដុល្លារឯណោះ។
កាលពីរដូវកាលទិញលក់កីឡាករកន្លងទៅនេះ ខណៈ ដែរក្លឹបជាច្រើនមិនសូវមានលទ្ធភាពទិញកីឡាករថ្លៃៗ និងក្លឹបខ្លះឈានដល់លក់កីឡាករចេញ តែខាងក្លឹបទាំងពីរខាងលើនៅតែមានលទ្ធភាពធ្វើការពង្រឹងក្លឹបរបស់ខ្លួន។
ជាក់ស្ដែង Man City គ្រាន់តែចំណាយលុយទិញ Jack Grealish តែម្នាក់ពី Aston Villa អស់ជាង ១៣៧លានដុល្លារ និង PSG ចំណាយលុយជាច្រើនដើម្បីនាំចូល និងរ៉ាប់រងកីឡាករដូចជា Achraf Hakimi, Sergio Ramos, Gianluigi Donnarumma, Georginio Wijnaldum និង Lionel Messi ជាដើម។
សម្រាប់ការប្រកួតខាងលើខាងក្លឹបទាំងពីរខាងបានសុទ្ធតែបានដាក់កំពូលកីឡាកររបស់ខ្លួនដើម្បីមកទប់ទល់អស់ហើយដោយខាង Man City បានដាក់ De Bruyne, Sterling, Foden, Grealish ជាដើម សម្រាប់ឯ PSG ក៏បានដាក់ Messi, Mbappe និង Neymar មកអស់ផងដែរ។
យ៉ាងណាក្ដីលទ្ធផលការប្រកួតរវាងក្លឹបទាំងពីរខាងលើនៅលើទឹកដី PSG នឹងទៅជាយ៉ាងណានោះចាំតាមដានទស្សនាទាំងអស់គ្នា៕