ខ្លាំង ដាណឺម៉ាក កក់កៅអីលេង World Cup 2022 ជាមួយកំណត់ត្រាញ៉ាក់សាច់
- 2021-10-13 01:21:51
- ចំនួនមតិ 0 | ចំនួនចែករំលែក 0
ខ្លាំង ដាណឺម៉ាក កក់កៅអីលេង World Cup 2022 ជាមួយកំណត់ត្រាញ៉ាក់សាច់
ចន្លោះមិនឃើញ
ក្រុមដាណឺម៉ាក ទទួលបានកៅអីឡើងលេងពានរង្វាន់ FIFA World Cup 2022 នៅប្រទេសកាតាហើយ បន្ទាប់ពីពួកកេឈ្នះក្រុមអូទ្រីសក្នុងលទ្ធផល ១-០ ទៀតនៅយប់មិញនេះ។
ដាណឺម៉ាក លេងវគ្គជម្រុះ World Cup នៅតំបន់អឺរ៉ុបនេះជាកំណត់ត្រាល្អខ្លាំងមែនទែន។ ពួកគេលេង៨ប្រកួតក្នុងពូលកន្លងមក ឈ្នះទាំង៨ប្រកួតតែម្ដង។ អ្វីដែលកាន់តែពិសេសថែមទៀតនោះ ក្រុមនេះឈ្នះទាំង៨ប្រកួត និងគ្មានក្រុមណាមួយអាចស៊ុតពួកគេចូលនោះទេ ពោលគឺរក្សាសំណាញ់ទីបានល្អណាស់។ ក្រុមមួយនេះដែរ ក៏បានបង្ហាញភាពខ្លាំងរបស់ខ្លួន កាលពីលេង Euro 2020 កន្លងទៅរូចហើយដែរ ដោយកាលនោះពួកគេឡើងដល់វគ្គពាក់កណ្ដាលផ្ដាច់ព្រ័ត្រ។
រំលឹកថាការឈ្នះ៨ប្រកួតជាប់គ្នានេះដែរ បានធ្វើឱ្យដាណឺម៉ាកមាន២៤ពិន្ទុឈរនៅលេខ១ពូល F និងដាច់ក្រុមលេខ២ ស្កុតឡែន៧ពិន្ទុ។ ការប្រកួតក្នុងពូលនេះ នៅសល់២ប្រកួតទៀតទើបចប់សព្វគ្រប់៕