សហព័ន្ធកីឡារាំ៖ បញ្ហាកូវីដធ្វើឲ្យកីឡាករ កីឡាការិនីប៉ះពាល់សមត្ថភាពប្រកួត
- 2021-12-14 03:04:31
- ចំនួនមតិ 0 | ចំនួនចែករំលែក 0
សហព័ន្ធកីឡារាំ៖ បញ្ហាកូវីដធ្វើឲ្យកីឡាករ កីឡាការិនីប៉ះពាល់សមត្ថភាពប្រកួត
ចន្លោះមិនឃើញ
គ្រូជម្រើសជាតិកីឡារាំ ថាបញ្ហាកូវដរយៈពេលប៉ុន្មានឆ្នាំនេះគឺធ្វើឲ្យការហ្វឹកហាត់លក្ខណៈប្រមូលផ្ដុំត្រូវអាក់ខានជាហេតុធ្វើឲ្យកីឡាករ កីឡាការិនីធ្លាក់ចុះនូវសមត្ថភាព។
លោក ស៊ូវ តុង គ្រូជម្រើសរើសជាតិកីឡារាំ បានឲ្យដឹងថា បើតាមការសង្កេតមើលកីឡាករ កីឡាការិនី ក្នុងការប្រកួតជើងឯកថ្នាក់ជាតិឆ្នាំដែលទើបបញ្ចប់ទៅនេះគឺពួកគេធ្វើមិនសូវបានល្អដូចឆ្នាំមុនឡើយ ដែលបញ្ហាទាំងនេះដោយសារតែការហ្វឹកហាត់មិនគ្រប់គ្រាន់អំឡុងកូវីដ។
គ្រូជើងចាស់រូបនេះបន្ថែមទៀតថា ដោយសារកីឡាករ កីឡាការិនី ហ្វឹកហាត់ Online មួយរយៈពេលនេះគឺមិនសូវល្អដូចការហ្វឹកហាត់ជុំគ្នា។ មុនការប្រកួតជើងឯកថ្នាក់ជាតិ ២០២១ នេះគឺពួកគេទើបបានហាត់ជុំគ្នាឡើងវិញប៉ុណ្ណោះ ដូច្នេះសមត្ថភាពក៏មិនទាន់ល្អខ្លាំងដូចមុនឡើយ។ យ៉ាងណាលោកក៏មានវិធីសាស្ត្រក្នុងការបង្កើនសមត្ថភាពពួកគេឡើងវិញដែរ និងមានគម្រោងបញ្ជូនក្រុមជម្រើសជាតិទៅហ្វឹកហាត់នៅចិនបន្ថែមដើម្បីជាការត្រៀមប្រកួតស៊ីហ្គេម នៅវៀតណាម និងពេលកម្ពុជាធ្វើម្ចាស់ផ្ទះ។
សូមជម្រាបថា សហព័ន្ធកីឡារាំធ្វើការប្រកួតជ្រើសរើសជើងឯកថ្នាក់ជាតិ ឆ្នាំ២០២១ របស់ខ្លួនរួចហើយកាលពីថ្ងៃទី១២ ខែធ្នូ នៅឯសកលវិទ្យាល័យភូមិន្ទភ្នំពេញ (CJCC)៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
