ចេញហើយម៉ូតូ Yamaha ប្រើ Hybrid ចាក់១លីត្រជិះបាន ៦៦គ.ម តម្លៃ ១៥០០ដុល្លារ
- 2022-01-18 03:21:28
- ចំនួនមតិ 0 | ចំនួនចែករំលែក 0
ចេញហើយម៉ូតូ Yamaha ប្រើ Hybrid ចាក់១លីត្រជិះបាន ៦៦គ.ម តម្លៃ ១៥០០ដុល្លារ
ចន្លោះមិនឃើញ
ក្រុមហ៊ុន Yamaha បានបញ្ចេញហើយនូវម៉ូតូ Fazzio 125 Hybrid ដែលការឌីហ្សាញរូបរាងរបស់វាគឺលក្ខណៈ Unique បែបក្លាស៊ីក និងកំពុងទទួលបានការចាប់អារម្មណ៍ច្រើននៅទីផ្សារបរទេស។
ម៉ូតូនេះ បំពាក់ចង្កៀង LED ភ្លើងស៊ីញ៉ូ និងចង្កៀងស្តុបក្រោយ សុទ្ធតែជារាងពងក្រពើ។ កុងទ័ររបស់វាជាប្រភេទឌីជីថល ដែលអាចភ្ជាប់ជាមួយ App Y-Connect នៅលើស្មាតហ្វូន និងបច្ចេកវិទ្យា Bluetooth។ ជាមួយគ្នានេះ វាក៏បំពាក់ប្រព័ន្ធដែលគ្រាន់តែចុចម្តងបញ្ឆេះម៉ាស៊ីនបានភ្លាម ប្រព័ន្ធ Smart Motor សោបញ្ជាពីចម្ងាយ មានរន្ធសាកថ្ម USB និងឃ្លុបក្រោមកែបផ្ទុកបានចំណុះ ១៧,៨លីត្រ។
ម៉ូតូ Fazzio 125 Hybrid ប្រើម៉ាស៊ីន Bluecore ចំណុះ ១២៥សេសេ ផលិតបានកម្លាំង ៨,៣សេះ និងកម្លាំងរមួល ១០,៦ញ៉ូតុនម៉ែត្រ ដែលដំណើរការជាមួយប្រព័ន្ធ Electric Power Assist Start ក្នុងការបង្កើនសន្ទុះម៉ូតូដោយរលូន ពេលចាប់ផ្តើមបើកបរ។ ធុងសាំងរបស់ម៉ូតូនេះ ផ្ទុកបាន ៥,១លីត្រ ក្នុងនោះចាក់១លីត្រ អាចជិះបាន ៦៦គីឡូម៉ែត្រ។
ម៉ូតូ Yamaha នេះ មានជម្រើស២ គឺ Fazzio Lux និង Fazzio Neo ត្រូវបានដាក់លក់ក្នុងប្រទេសឥណ្ឌូណេស៊ី តម្លៃ ១៥១៨ដុល្លារ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
