មិនគួររំលង់! លោកស្រី ឌី វិច្ចរ៉ា ប្រាប់គន្លឹះបង្កើតអាជីវកម្មកែច្នៃផលិតផលក្នុងស្រុកដើម្បីរកប្រាក់ចំណូល និងផ្ដល់ការងារដល់ពលរដ្ឋក្នុងតំបន់

2022-04-25 03:48:02
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងកម្មវិធី Starting Up សប្ដាហ៍ថ្មីនេះប្រិយមិត្ត នឹងបានជួបជាមួយលោកស្រី ឌី វិច្ចរ៉ា ស្ថាបនិកសិប្បកម្មផ្កាដូង ដែលបានបង្ហាញពីគន្លឹះកែច្នៃផលិតផល ក្នុងស្រុកចេញពីដូងទុំទៅជាប្រេងដូងបរិសុទ្ធ។ សិប្បកម្មផ្កាដូង គឺជាអាជីវកម្មសង្គមកែច្នៃផលិតផល ក្នុងស្រុកចេញពីដូងទុំទៅជាប្រេងដូងបរិសុទ្ធ ធ្វើជាផលិតផលថែរក្សាសម្រស់ និងជួយសុខភាពរាងកាយ។ អាជីវកម្មសង្គមផលិតផលក្នុងស្រុកនេះ ជួយការពារបរិស្ថាន និងជួយកាត់បន្ថយអ្នកចំណាកស្រុកបានច្រើន។ លោកស្រី បានបញ្ចប់ថ្នាក់បរិញ្ញាបត្រ ជំនាញគ្រប់គ្រងពាណិជ្ជកម្ម និងបញ្ចប់ថ្នាក់បណ្ដុះបណ្ដាលជំនាញ គ្រប់គ្រងផលិតកម្មប្រេងរុក្ខជាតិ។

លោកស្រី ឌី វិច្ចរ៉ា បានប្រាប់ថាការចាប់ផ្ដើមបង្កើតអាជីវកម្មសង្គមកែច្នៃផលិតផល ក្នុងស្រុកចេញពីដូងទុំទៅជាប្រេងដូងបរិសុទ្ធ វាមិនងាយស្រួលឡើយ គឺខុសពីការធ្វើការឲ្យគេច្រើន ដោយការចាប់ផ្ដើមដំបូងលោកស្រីមិនទាំងបានដឹងថាត្រូវគ្រប់គ្រង់ការចំណាយបែបណា ពិសេសគឺត្រូវជួបជាមួយឧបសគ្គលើសពីការរំពឹងទុក។ តែទោះជាយ៉ាងណានេះក៏ជាភាពជោគជ័យមួយសម្រាប់លោកស្រីដែលបានផ្ដល់ការងារជាច្រើនដល់ប្រជាពលរដ្ឋនៅក្នុងតំបន់ មានប្រាប់ចំណូល និងបានដឹងពីគោលដៅរបស់ខ្លួននៅថ្ងៃមុន។

សិប្បកម្មផ្កាដូង គឺជាអាជីវកម្មសង្គមដែលបានបង្កើតឡើងនៅឆ្នាំ ២០១៨ ដោយលោកស្រី ឌី វិច្ចរ៉ា ជាមួយនឹងគោលបំណងជាចំណែកមួយក្នុងការបង្កើតឱកាសការងារក្នុងស្រុកកំណើតរបស់គាត់ ព្រមទាំងបង្កើនប្រាក់ចំណូលបន្ថែមដល់ប្រជាជន និងសហគមន៍។ តាមរយៈការទិញ ដូងទុំខ្មែរ និងទិញ ស្មុកខ្មែរដើម្បីផលិតជា ប្រេងដូងបរិសុទ្ធ និងការពារបរិស្ថាន។

ចង់ដឹងកាន់តែច្បាស់សូមទស្សនាវីដេអូ កិច្ចសម្ភាសខាងក្រោម៖

សូមចុចទីនេះដើម្បីទស្សនា

អត្ថបទ៖ ម៉េងងី