បងហុងបាល់ទះ ប្រកាសរកដៃគូលេង៤ស្មើនិង៣ស្មើ ប៉ះក្រុមណាក៏បាន
- 2022-05-26 03:06:18
- ចំនួនមតិ 0 | ចំនួនចែករំលែក 0
បងហុងបាល់ទះ ប្រកាសរកដៃគូលេង៤ស្មើនិង៣ស្មើ ប៉ះក្រុមណាក៏បាន
ចន្លោះមិនឃើញ
លើបណ្ដាញសង្គមហ្វេសប៊ុកនាព្រឹកនេះ បងហុងបាល់ទះ ដែលជាប្រធានក្រុមរបស់ស្មាត់រាជ បានប្រកាសរកដៃគូលេងក្រៅផ្លូវការ អាចស្វាគមន៍បានទាំង៤ស្មើ (បាំង២) និង៣ស្មើ (លេងសេរី) ប្រសិនបើចាប់អារម្មណ៍អាចណាត់គ្នាបាន។
ជាមួយរូបថតមួយសន្លឹកដែលបងហុងប៉ះសេ បង្ហោះនោះគឺក្រុមរបស់លោកមាន ស្មាត់រាជ ស្មាត់វ៉ា ស្មាត់យន់ និងស្មាត់ចិត្រ។ ដោយគីបមួយនេះអាចចាត់ទុកថាជាគីបហ្សីនរបស់លោកហើយ ធ្លាប់លេងជាមួយគ្នាជាយូរមកហើយ។ យ៉ាងណាមិញ ការប្រកាសស្វែងរកដៃគូនេះ ទំនងជាពិបាកក្នុងការចាប់គូបន្ដិចហើយ ព្រោះ៤ស្មើក៏ដោយ ៣ស្មើក៏ដោយ ឱ្យតែលេងស្មើគឺរាជ វ៉ា និងយន់ អាចកំដរបានជានិច្ចសម្រាប់ការលេងក្រៅផ្លូវការ។ មួយវិញទៀត បើតាមការ Comment នានាក៏ឃើញថាមិនមានអ្នកហ៊ានដែរ។
រំលឹកថាកន្លងទៅនេះ ក្រុមខាងលើក៏ធ្លាប់ប្រកាសស្វែងរកគូប្រកួតដែរ តែក៏មិនអាចរកបាន ដោយភាគច្រើនពួកគេចាប់គូត្រូវ លុះត្រាតែតឱ្យគេម្នាក់ ៣ទល់៤ ឬ៤ទល់៥អីចឹងទៅ។ យ៉ាងណា ចាំមើលលើកនេះវិញ ថាតើអាចនឹងរកបានគូប្រកួតដែរឬទេ?