De Jong ត្រូវកាត់ប្រាក់ពលកម្មមួយចំនួនធំ ដើម្បីនៅបន្តជាមួយ Barca

2022-07-29 12:48:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Frenkie de Jong ត្រូវកាត់ប្រាក់ពលកម្មមួយចំនួនធំ សម្រាប់រដូវកាលឆ្នាំ២០២២/២៣នេះ ដើម្បីបន្តនៅលេងជាមួយ Barcelona។

លោក Joan Laporta ប្រធានក្លឹប Barcelona ក៏បានឡើងពីអនាគតរបស់ De Jong ដោយថា កីឡាករនេះចង់បន្ត ហើយខាងក្លឹបលោកក៏ចង់ឲ្យគេបន្តនៅក្លឹបនេះផងដែរ ទោះមានក្លឹបផ្សេង ដែលគេដឹងច្បាស់ថាជាក្លឹប Manchester United បានដាក់សំណើចង់បានកីឡាករនេះឲ្យត្រូវថ្លៃក៏ដោយ។

យ៉ាងណាប្រធានក្លឹបរូបនេះបានឡើងដោយមិនសំដៅតែទៅលើ De Jong នោះទេដោយសំដៅទៅលើកីឡាករ Barca គ្រប់គ្នាឲ្យយោគយល់បើចង់នៅបន្ត ព្រោះតែក្លឹបត្រូវរៀបចំចំនួនប្រាក់ដែលត្រូវចាយលើប្រាក់ពលកម្មថ្មី ដើម្បីឲ្យកីឡាករទាំងអស់គ្នាទាំងថ្មី ទាំងចាស់អាចនៅលេងនៅទីនេះ ដូច្នេះចំនួនប្រាក់ពលកម្មរបស់នីមួយៗអាចនឹងកាត់បន្ថយតាមហ្នឹង ដើម្បីឲ្យត្រូវនឹងលក្ខខណ្ឌបច្ចេកទេសហិរញ្ញវត្ថុកំណត់របស់ក្លឹប។

ទោះជាមានរឿងខាងលើក្ដី តែលោក Laporta នៅតែបង្ហាញការបានឲ្យ De Jong នៅបន្តជាមួយក្លឹបលោក តែត្រូវតែយោគយល់លើបញ្ហាខាងលើនេះ។

គួរបញ្ជាក់ផងដែរថា Barca នៅជំពាក់ប្រាក់ពលកម្ម De Jong ជិត២០.៦លានដុល្លារ ដែលនេះហើយជាចំណោមមូលហេតុមួយ ដែលកីឡាករនេះមិនផ្លាស់ទៅ Man Utd ទោះក្លឹបនេះខំយ៉ាងណាព្រោះតែ Barca មិនព្រមសងលុយជំពាក់នេះនៅឡើយ៕

ប្រភព៖ Dailymail អត្ថបទ៖ សេរី មង្គល