ឯកឧត្ដម ខៀវ កាញារីទ្ធ៖ បំផុសគំនិតសហព័ន្ធរាំឲ្យមានការផ្សព្វផ្សាយកាន់តែខ្លាំងដល់ស្រទាប់មហាជន

2022-11-10 03:56:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្ដម ខៀវ កាញារីទ្ធ បានបំផុសគំនិតមួយចំនួនដល់សហព័ន្ធកីឡារាំឲ្យពង្រីកការផ្សព្វផ្សាយដូចជាសកម្មភាពទូទៅ ឬការការហ្វឹកហាត់ប្រចាំថ្ងៃឲ្យបានច្រើនបន្ថែមទៀតដើម្បីជ្រួតជ្រាបដល់គ្រប់ស្រទាប់មហាជន។

រូបភាពលើផេកសហព័ន្ធ

ឯកឧត្ដម ខៀវ កាញារីទ្ធ ដែលជាប្រធានកិត្តិយសរបស់សហព័ន្ធបានលើកឡើងថា មែនទែនទៅតាមរយៈជ័យជម្នះ ការទទួលមេដាយនាពេលកន្លងមកគឺសហព័ន្ធមានភាពខ្លាំងក្លា និងគុណភាពទៅហើយ។ ប៉ុន្តែមិនទាន់មានការផ្សព្វផ្សាយឲ្យទូលំទូលាយជាងនេះប៉ុណ្ណោះ។

ឯកឧត្ដម ខៀវ កាញារីទ្ធ បំពាក់មេដាយ

ប្រធានកិត្តិយសខាងលើបន្ថែមទៀតថា សហព័ន្ធត្រូវសហការ ឬបង្កើតជាក្រុមព័ត៌មានណាមួយបន្ថែមដើម្បីធ្វើការថតឲ្យបានច្រើនពិសេសសកម្មភាពហ្វឹកហាត់ សកម្មភាពផ្សេងៗរបស់កីឡាករ កីឡាការិនី និងការប្រកួតតូចធំជាដើម។ វិធីសាស្ត្រទាំងនេះនឹងធ្វើឲ្យសហព័ន្ធទទួលបានការដឹងលឺច្រើនដល់មហាជន និងជាផ្នែកមួយអាចមានការគាំទ្រថវិកា ឬអ្វីផ្សេងៗផងដែរ។

ទិដ្ឋភាពបិទបញ្ចប់

ជាមួយគ្នានេះឯកឧត្ដមនឹងប្រឹងប្រែងជួយដល់សហព័ន្ធឲ្យមានដំណើរការល្អជាងនេះទៅទៀត ដូចជាស្វែងរកការគាំទ្រផ្នែកថវិកា ការជួយបង្កើតឲ្យមានជាការប្រកួតតូចធំនានា និងការជួយផ្សព្វផ្សាយអំពីប្រភេទកីឡារាំនេះតាមរយៈក្រសួងព័ត៌មានជាដើម។

រំលឹកដែរថា សហព័ន្ធកីឡារាំបានបិទបញ្ចប់ការប្រកួតជើងឯកថ្នាក់ជាតិរបស់ខ្លួនហើយកាលពីថ្ងៃទី៦ ខែវិច្ឆិកា ឆ្នាំ២០២២ នៅក្នុងពហុកីឡដ្ឋានជាតិ។ ជាមួយគ្នានោះដែរឯកឧត្ដម ខៀវ កាញារីទ្ធ ប្រធានកិត្តិយស និងជារដ្ឋមន្ត្រីក្រសួងព័ត៌មានក៏បានអញ្ជើញចូលរួមបំពាក់មេដាយដល់កីឡាករ កីឡាការិនីផងដែរ៕

អត្ថបទ៖ នួន ស៊ីណា