ធ្វើដំណើរកម្សាន្ត​តាមទីកន្លែងណាក៏ដោយ សម័យ​នេះហើយ​​បើអត់មាន​ស្មាតហ្វូន​ទៅជាមួយ​ គឺ​ស្មើនឹង​គ្មានន័យ ព្រោះថា​យើងត្រូវការ​ប្រើវាជាប្រចាំ​តែម្តងទៅលើមុខងារ​ផ្សេងៗ។ យ៉ាងណាមិញ ទោះ​មាន​ស្មាតហ្វូនទៅជាមួយក៏ដោយ នៅមិនទាន់គ្រប់គ្រាន់នោះទេ គឺ​ត្រូវមានគ្រឿង Accessories ទៅជាមួយទៀត ដើម្បីបំពេញ​គ្រប់សេចក្តីត្រូវការ​ ធ្វើឱ្យដំណើរកម្សាន្ត​កាន់តែសប្បាយ​រីករាយ។ តើ​គ្រឿង Accessories ទាំង​នោះ មានអ្វីខ្លះ?

Case: ជួយ​ការពារ​ទូរសព្ទ ពេល​ធ្លាក់ ឬពីការ​ប៉ះទង្គិចនានា

Screen Protector: ការពារ​ការឆ្កូត​អេក្រង់ទូរសព្ទ ឬបែកស្រាលៗ

កាស: ស្តាប់ចម្រៀង​លំហែអារម្មណ៍​ម្នាក់ឯង​ជាមួយទេសភាព

Speaker: ស្តាប់​ ឬច្រៀង​លេងកម្សាន្ត​ពេល​ញុំាអីជុំគ្នា

ខ្សែសាកៈ បើអាច​គួរមាន​ក្បាលពីរ ឬក្បាលបី សម្រាប់​សាកទូរសព្ទ iPhone និង Android

ឆ្នាំងសាក: អាចដោតប្រើ​នៅកន្លែង​ដែលមានហ្រ្វីភ្លើង

PowerBank: ងាយស្រួល​យកតាម​ខ្លួនដើម្បី​សាកថ្ម នៅទីណាក៏បាន

ឌុយកន្ទុយបារីសាកថ្មៈ អាច​សាកថ្ម​ទូរសព្ទតាម​រថយន្តបាន​តាមរយៈឌុយនេះ

ជើងទម្រទូរសព្ទៈ បើអ្នកជាអ្នកបើកបររថយន្ត​ គួរមាន​ជើងទម្រ​​ដាក់ទូរសព្ទ​ងាយស្រួល​មើលផែនទីជាដើម

ថង់​ការពារ​ការជ្រាបទឹកៈ ត្រូវដាក់ទូរសព្ទ​ក្នុងថង់ការពារ ក្រែងលោក​ជិះចូលក្នុងតំបន់​គេលេងជះទឹក ឬបាញ់ទឹក

ដងសែលហ្វីៈ វាអាចហួសសម័យមែន ប៉ុន្តែវា​នៅតែ​ងាយស្រួល​ថតសែលហ្វី ជាពិសេស​ពេលថតជុំគ្នាច្រើន

ដង Stabilizer: វាមានសារៈសំខាន់​ណាស់ដើម្បីរក្សាលំនឹង​ពេលថតវីដេអូ

ទឹកបាញ់សម្អាតទូរសព្ទៈ ទូរសព្ទ​ប្រឈមនឹង​ការប្រឡាក់ពីចំណីអាហារ ភេសជ្ជៈ ឬធូលីដីនានា ដូច្នេះគួរមាន​ទឹកសម្រាប់​បាញ់ជូតសម្អាត​ទូរសព្ទ ជាមួយ​ក្រណាត់ ឬកន្សែងតូចៗ៕

អត្ថបទ៖ សំភី