ហុកគីកម្ពុជា ប្រកួតមិត្តភាពជាមួយក្រុមអារ៉ាប់រួមកាលពីម្សិលមិញ
- 2014-11-26 17:13:02
- ចំនួនមតិ 0 | ចំនួនចែករំលែក 0
ហុកគីកម្ពុជា ប្រកួតមិត្តភាពជាមួយក្រុមអារ៉ាប់រួមកាលពីម្សិលមិញ
ចន្លោះមិនឃើញ
ក្រុមកីឡាហុកគីកម្ពុជា Cambodia International Hockhy Club បានប្រកួតមិត្តភាពជាមួយក្រុមភ្ញៀវ King Khan Hockhy Club របស់ប្រទេសអារ៉ាប់រួម ដែលបញ្ចប់ទៅល្ងាចថ្ងៃទី ២៥ វិច្ឆិកា ម្សិលមិញ លើទីលានកីឡដ្ឋានកងយោធពលខេមរភូមិន្ទ (ស្ដាតចាស់)។
ទោះជាប្រកួតមិត្តភាពក៏ដោយតែអ្នករៀបចំកម្មវិធីបានដាក់ឈ្មោះព្រឹត្តិការណ៍នេះថា Friendly Invitation Hockhy Matches (FIHM) រួមទាំងមានរៀបចំពានរង្វាន់សម្រាប់ក្រុមដែលចូលរួមផងដែរ។ ជាលទ្ធផលក្រុមភ្ញៀវបានយកឈ្នះក្រុមម្ចាស់ផ្ទះ ១ ទល់ ០។
លោក កាំង សុធា អនុប្រធានសហព័ន្ធកីឡាហុកគីកម្ពុជា បានឱ្យដឹងថា ការប្រកួតលក្ខណៈមិត្តភាពអន្តរជាតិសុទ្ធតែមានកីឡាករចម្រុះជាតិសាសន៍ដូចគ្នា ក្នុងគោលបំណងផ្លាស់ប្ដូរបទពិសោធន៍ និង បច្ចេកទេស គ្នាជាពិសេសគឺរឹតចំណងរវាងមិត្តភាពកីឡាក្រុមកីឡាហុកគី។ ព្រឹត្តិការណ៍នេះមានតំណាងស្ថានទូតរបស់ប្រទេសអារ៉ាប់រួមចូលរួមទស្សនាដែរ៕
ក្រុមកម្ពុជា (បៃតង) ប្រកួតជាមួយ King Khan Hockhy Club (លឿង)
អត្ថបទ៖ ម៉ឺន រស្មី