ស្ថានទូតអាមេរិកប្រចាំទីក្រុងភ្នំពេញនឹងបើកការលក់ដេញថ្លៃអនឡាញនូវសម្ភារៈមួយចំនួន
- 2023-12-12 09:53:52
- ចំនួនមតិ 0 | ចំនួនចែករំលែក 0
ស្ថានទូតអាមេរិកប្រចាំទីក្រុងភ្នំពេញនឹងបើកការលក់ដេញថ្លៃអនឡាញនូវសម្ភារៈមួយចំនួន
ចន្លោះមិនឃើញ
ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង បើកការលក់ដេញថ្លៃonline នូវសម្ភារៈប្រើរួច រួមទាំងរថយន្ត អីវ៉ាន់តាមផ្ទះ មួយចំនួន ដល់សាធារណៈជនទូទៅ ។
ការដេញថ្លៃ online នឹងប្រព្រឹត្តទៅនៅលើវិបសាយ: https://online-auction.state.gov/km-KH
ការដេញថ្លៃ online នឹងបើកទទួលការចូលរួមពីបណ្តាសាធារណៈជនចាប់ពីវេលាម៉ោង ៩ ព្រឹក ថ្ងៃសុក្រ ទី១៥ ខែធ្នូ ឆ្នាំ២០២៣ រហូតដល់ថ្ងៃសុក្រ ទី២២ ខែធ្នូ ឆ្នាំ២០២៣ ម៉ោង៥ល្ងាច បិទការដេញថ្លៃ។ ស្ថានទូតនឹងធ្វើការ ប្រកាស សរុបលទ្ធផលនៃការដេញថ្លៃ ដោយមានការចូលរួមអង្កេតពិនិត្យលើឯកសារដេញថ្លៃពីមន្រ្តីគយ និង រដ្ឋាករកម្ពុជា។ អ្នកឈ្នះសំរាប់ឡូត៍នីមួយៗនឹងត្រូវបានទាក់ទងដើម្បីជូនជាដំណឹងក្នុងពេលបន្ទាប់។
ទំនិញនឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត ឆ្លងតាមដំណើរការដេញថ្លៃដ៏ត្រឹមត្រូវ។
ទំនិញដែលបានលក់ដូចឃើញតាមរូបភាពស្រាប់ ពុំអាចប្តូរជាប្រាក់វិញ និង គ្មានការធានាឡើយ។ អ្នកដេញថ្លៃអាចចូលមើលរូបថតទំនិញតាមឡូត៍នីមួយៗនៅលើវេបសាយដេញថ្លៃ។
តម្លៃដេញថ្លៃអប្បរមា ត្រូវបានកំណត់សម្រាប់ឡូត៍នីមួយៗ។
ស្ថានទូតសហរដ្ឋអាមេរិករក្សាសិទ្ធិក្នុងការច្រានចោលនូវការដេញថ្លៃណាមួយដែលខ្លួនយល់ឃើញថាមិនសមនឹងតំលៃនៃទំនិញ ឬក៏មានភស្តុតាងបញ្ជាក់ថា មានការសមគំនិតគ្នា ការឃុបឃិត ឬ ការទទួលសំណូកណាមួយ។ សេចក្តីសម្រេចរបស់ស្ថានទូត ជាសេចក្តីសម្រេចចុងក្រោយ និង មិនអាចតវ៉ាបានឡើយ។
កាតព្វកិច្ចពន្ធនាំចូលទំនិញនិងអាករផ្សេងៗជាបន្ទុករបស់អ្នកដេញថ្លៃ។ អត្រាបង់ពន្ធគិតជាភាគរយ ត្រូវបានកំណត់ដោយសមត្ថកិច្ចគយនិងរដ្ឋាករកម្ពុជា។ ការគណនាពន្ធនាំចូលគឺយកតម្លៃដែលដេញថ្លៃឈ្នះគុណនឹងអត្រាភាគរយដែលបានកំណត់នៅលើទំនិញនីមួយៗ។អត្រាពន្ធសំរាប់ទំនិញទូទៅ លើកលែងតែរថយន្តនោះ គឺ ២៦,៥០% ។
រាល់ការរៀបចំ និងចំណាយនៅក្នុងការលើកដាក់ ដឹកជញ្ជូនយកចេញនូវទំនិញដែលដេញថ្លៃបាន គឺជាបន្ទុករបស់អ្នកទិញ។
ក្នុងករណីដែលអ្នកទិញខកខានមិនបានយកទំនិញដែលទិញបាននោះចេញពីទីតាំងលក់ ត្រឹមម៉ោង ០៥ ល្ងាច ថ្ងៃទី ១៩ ខែមករា ឆ្នាំ២០២៤ ស្ថានទូតអាមេរិកនៅភ្នំពេញ ចាត់ទុកថាអ្នកដេញថ្លៃឈ្នះនោះបានបោះបង់ចោលឡូត៍ដែលខ្លួនដេញបាន ហើយដូច្នេះ បាត់បង់សិទ្ធិក្នុងការយកទំនិញដែលទិញបាននោះ និង ប្រាក់ទាំងអស់ដែលបានបង់។
ដើម្បីយកទំនិញចេញពីទីតាំងលក់បាន អ្នកទិញត្រូវបង្ហាញបង្កាន់ដៃបង់ប្រាក់គ្រប់ចំនួន មានហត្ថលេខា ចេញដោយបេឡារបស់ស្ថានទូតអាមេរិក និង សំណៅនៃការបង់ពន្ធទំនិញ រឺក៏ សំណៅនៃឯកសារលើកលែងពន្ធទំនិញ (ចំពោះស្ថាប័នដែលស្នើរសុំការលើកលែងពន្ធ)។
បុគ្គលិករបស់ស្ថានទូតអាមេរិក និង ក្រុមហ៊ុន KWB ដែលធ្វើការទាក់ទងនឹងផ្នែកភស្តុភាក្នុងការដេញថ្លៃនេះត្រូវបានហាមមិនអោយធ្វើការដេញថ្លៃទេ។ សម្រាប់ពត៌មានបន្ថែម សូមទាក់ទងតាមរយៈ៖ PhnomPenhUSAuction@groups.state.gov៕