Dybala សារភាពថា កាលនៅក្មេងធ្លាប់ស្អប់ Ronaldo ជាខ្លាំង
- 2024-12-03 02:25:00
- ចំនួនមតិ 0 | ចំនួនចែករំលែក 0
Dybala សារភាពថា កាលនៅក្មេងធ្លាប់ស្អប់ Ronaldo ជាខ្លាំង
ចន្លោះមិនឃើញ
តារាបាល់ទាត់ឆ្នើមរបស់អាហ្សង់ទីន និង Roma កីឡាករ Paulo Dybala បានសារភាពប្រាប់ Marca ថារូបគេធ្លាប់មានចិត្តស្អប់មុខរបស់ Cristiano Ronaldo ជាខ្លាំងកាលនៅក្មេង ហើយពេលនោះក្នុងកំឡុងដែលតារាបាល់ទាត់របស់ ព័រទុយហ្គាល់ ស្ថិតនៅក្នុងកម្រិតប្រជែងគ្នាជាមួយ Lionel Messi ។
Ronaldo និង Dybala ធ្លាប់លេងជាមួយគ្នាបានចំនួន៣ឆ្នាំដែរកាលនៅ Juventus ហើយពេលក៏ជាឆ្នាំជោគជ័យមួយដែររបស់ខ្សែប្រយុទ្ធអាហ្សង់ទីន ។ ទោះបីជាយ៉ាងណា Dybala ក៏បានសារភាពថា ក្នុងកំឡុងដែលមានការប្រជែងគ្នារវាង Ronaldo និង Messi ប្រជាជនអាហ្សង់ទីនស្ទើរទាំងអស់ហ្នឹង ដែលហាក់មានចិត្តស្អប់មកកាន់ Ronaldo ហើយរូបគេក៏ដូចប្រជាជនអាហ្សង់ទីនផ្សេងទៀតដែរ។
«មានពេលនោះយើងបានធ្វើដំណើរជាមួយគ្នាដើម្បីចូលរួមការប្រកួតមួយ ដោយគាត់ (Ronaldo) បានអង្គុយនៅមុខខ្ញុំលើយន្តហោះនោះ ហើយយើងបានជជែកគ្នាលេងអំពីរឿងជីវិតតាំងពីក្មេង ស្រាប់តែពេលនោះខ្ញុំបានសារភាពប្រាប់គាត់ថា កាលនៅក្មេងខ្ញុំបានស្អប់មុខរបស់អ្នកឯងជាខ្លាំង។ ក្រោយមកពួកយើងក៏បានសើច ហើយពួកយើងក៏បន្តដំណើរដើម្បីទៅចូលរួមការប្រកួតធម្មតា ហើយពួកយើងក៏នៅតែលេងសហការគ្នាធម្មតាដែរ»។ នេះជាការលើកឡើងរបស់ Dybala និយាយពីរឿងដែលគេធ្លាប់ស្អប់ Ronaldo ប្រាប់មកកាន់ Marca ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
