ភ្នំពេញ ប្រទេសកម្ពុជា — ៧ ខែវិច្ឆិកា ឆ្នាំ២០២៥
Raffles Hotel Le Royal អបអរខួបលើកទី ៩៦ របស់ខ្លួនដោយមោទនភាព ជាមួយនឹងការបើកសម្ពោធកម្មវិធី “I Spy – The Magic of Raffles” ដែលជាពិព័រណ៍សិល្បៈដ៏កក់ក្តៅ និង ពិធីជប់លៀងសប្បុរសធម៌ ដើម្បីអបអរសាទរភាពច្នៃប្រឌិត សហគមន៍ និង សេចក្តីមេត្តាករុណា។

គម្រោងនេះ បង្កើតឡើងដោយសហការជាមួយ Sunrise Cambodia បានបញ្ចេញពន្លឺលើវិចិត្រករក្មេងៗជនជាតិខ្មែរ ខណៈដែលផ្តល់កិត្តិយសដល់មរតកដ៏យូរអង្វែងរបស់Raffles Hotel Le Royal ក្នុងនាមជាទីតាំងវប្បធម៌សំខាន់ និង ការប្តេជ្ញាចិត្តយូរអង្វែងចំពោះសហគមន៍ ការអប់រំ និង សិល្បៈ។

អត្ថន័យនៅពីក្រោយ “I Spy – The Magic of Raffles”

ដោយទទួលបានការបំផុសគំនិតពីល្បែងស្វែងរកដ៏មានតម្រូវកាល កម្មវិធី “I Spy – The Magic of Raffles” អញ្ជើញភ្ញៀវឱ្យសម្លឹងមើលឱ្យកាន់តែជិតនូវលម្អិតដែលធ្វើឱ្យRaffles Hotel Le Royal ពិតជាអស្ចារ្យពីច្រកផ្លូវប្រវត្តិសាស្ត្រ និង ស្ថាបត្យកម្មអាណានិគម រហូតដល់ស្មារតីនៃការចែករំលែកដ៏យូរអង្វែង។ តាមរយៈភ្នែករបស់យុវជនកម្ពុជា គម្រោងនេះបានចាប់យកមិនត្រឹមតែភាពស្រស់ស្អាតនៃសណ្ឋាគារ ប៉ុន្តែថែមទាំងខ្លឹមសារនៃមរតក ការស្រមើស្រមៃ និង សង្ឃឹម។

ជាផ្នែកមួយនៃគម្រោង Raffles Hotel Le Royal បានរៀបចំការប្រកួតគូរគំនូរសម្រាប់កុមារ២៥នាក់ដែលមានទេពកោសល្យពី Sunrise Cambodia។ ដោយមានការណែនាំពីវិចិត្រករខ្មែរល្បីឈ្មោះ លោក ឈឹម សុទ្ធី និង ជំនួយពីវិចិត្រករ Li Ming Hang និង Emmeline Mulder កុមារទាំងនោះត្រូវបានអញ្ជើញឱ្យបកស្រាយ “The Magic of Raffles” តាមរបៀបផ្ទាល់ខ្លួនរបស់ពួកគេ។

នៅថ្ងៃបុណ្យកុមារ គំនូរ៥ដែលលេចធ្លោបំផុតត្រូវបានជ្រើសរើស និង ប្រែក្លាយជាកាតប៉ុស្តាល់អេឌីស្យុងមានកំណត់ ដែលឥឡូវអាចរកបាននៅ Raffles Boutique ដោយចំណូលទាំងអស់ជួយដល់កម្មវិធីអប់រំច្នៃប្រឌិតរបស់ Sunrise Cambodia។

ពិធីជប់លៀងសប្បុរសធម៌ និង ការដេញថ្លៃស្នាដៃសិល្បៈ

ដើម្បីរំលឹកខួបដ៏សំខាន់នេះ Raffles Hotel Le Royal នឹងរៀបចំពិធីជប់លៀងសប្បុរសធម៌ និង ការដេញថ្លៃស្នាដៃសិល្បៈ នៅថ្ងៃសុក្រ ទី២៤ ខែវិច្ឆិកា ឆ្នាំ២០២៥ ចាប់ពីម៉ោង ៦:០០ ល្ងាច ដល់ ១០:០០ យប់ នៅភោជនីយដ្ឋាន Le Royal។

សកម្មភាពនៅល្ងាចនោះនឹងមានអាហារពេលល្ងាច៣មុខ ជាមួយស្រាទំពាំបាយរំលងថ្លៃៗ អមដោយការដេញថ្លៃផ្ទាល់នូវស្នាដៃគំនូររបស់កុមារពី Sunrise Cambodia និង គ្រូបង្គោះរបស់ពួកគេ។ ចំណូលទាំងអស់នឹងត្រូវប្រគល់ជូនដោយផ្ទាល់ដើម្បីគាំទ្រការថែទាំ និង ការអប់រំកុមារក្រីក្រតាមរយៈកម្មវិធីរបស់ Sunrise Cambodia។

សំបុត្រមានតម្លៃ ៩៦ ដុល្លារអាមេរិកសុទ្ធ សម្រាប់២នាក់ ដើម្បីរំលឹកខួបលើកទី៩៦របស់Raffles Hotel Le Royal។

អំពីវិចិត្រករ

ឈឹម សុធី — វិចិត្រករខ្មែរជើងចាស់

លោក ឈឹម សុធី ជាវិចិត្រករ និង ចម្លាក់ខ្មែរល្បីឈ្មោះ ដែលត្រូវបានគេសរសើរចំពោះការបញ្ចូលនិមិត្តសញ្ញាខ្មែរបុរាណ ជាមួយទម្រង់ និង ពណ៌សម័យទំនើប។ ស្នាដៃរបស់លោកឆ្លុះបញ្ចាំងពីខ្លឹមសារវិញ្ញាណ និង វប្បធម៌កម្ពុជា ដែលទេវកថា ប្រវត្តិសាស្ត្រ និង ជីវិតប្រចាំថ្ងៃត្រូវបានត្បាញចូលគ្នាទៅជាកិច្ចសន្ទនាដ៏មានតម្រូវកាល។
គំនូរដែលបង្ហាញនៅទីនេះផ្តល់កិត្តិយសដល់សហគមន៍៩៦ឆ្នាំនៅ Raffles Hotel Le Royal។ ក្នុងឱកាសខួបសណ្ឋាគារ លោកបានបរិច្ចាគពេលវេលា ទេពកោសល្យ និង សប្បុរសធម៌របស់លោកជូន Sunrise Cambodia ដោយបញ្ជាក់ជំនឿរបស់លោកថា ភាពច្នៃប្រឌិតគឺជាស្ពានរវាងមរតក សេចក្តីមេត្តា និង សង្ឃឹម។

Li Ming Hang — ស្ថាបនិក LiMH Studio

លោក Li Ming Hang ជាវិចិត្រករ និង អ្នករចនាសម័យទំនើបជនជាតិចិនដ៏លេចធ្លោ ដែលមានមូលដ្ឋាននៅភ្នំពេញ។ ក្នុងនាមជាស្ថាបនិក LiMH Studio លោកស្វែងរកចំណុចប្រសព្វនៃអត្តសញ្ញាណរូបភាព ចង្វាក់ទីក្រុង និង ការបកប្រែវប្បធម៌ ភ្ជាប់សិល្បៈ និង ការរចនាដោយភាពច្នៃប្រឌិត។
គំនូរដែលបង្ហាញនៅទីនេះអបអរសហគមន៍៩៦ឆ្នាំនៅ Raffles Hotel Le Royal។ ក្នុងឱកាសខួបសណ្ឋាគារ លោក Li បានបរិច្ចាគពេលវេលា ទេពកោសល្យ និង ការយកចិត្តទុកដាក់ជូន Sunrise Cambodia ដោយបញ្ចូលជំនឿរបស់លោកថា សិល្បៈមិនត្រឹមតែជាទង្វើនៃការបង្កើត ប៉ុន្តែថែមទាំងជាសេចក្តីមេត្តា និង ការតភ្ជាប់ផងដែរ។

Emmeline Mulder — វិចិត្រករ និង គ្រូ

Emmeline Mulder ជាវិចិត្រករហូឡង់ និង មិត្តភក្តិជាយូរមករបស់ Raffles Hotel Le Royal ដែលភាពកក់ក្តៅ និង ភាពច្នៃប្រឌិតរបស់នាងបានក្លាយជាផ្នែកមួយនៃសហគមន៍សិល្បៈរបស់សណ្ឋាគារ។ ដោយល្បីឈ្មោះចំពោះរចនាបថទន់ភ្លន់ប៉ុន្តែបង្ហាញអារម្មណ៍ ស្នាដៃរបស់នាងជារឿយៗឆ្លុះបញ្ចាំងនូវប្រធានបទសេចក្តីសប្បុរស ភាពធន់ និង ការតភ្ជាប់មនុស្ស។
ក្នុងនាមជាទាំងវិចិត្រករ និង គ្រូបង្គោះ អេមមីលីន បានចែករំលែកពេលវេលា និង ទេពកោសល្យរបស់នាងដោយសប្បុរសជាមួយ Sunrise Cambodia ដោយណែនាំកុមារឱ្យបង្ហាញខ្លួនឯងតាមរយៈភាពច្នៃប្រឌិត និង បំផុសគំនិតឱ្យពួកគេមើលឃើញសិល្បៈជាភាសានៃសង្ឃឹម។ មិត្តភាពយូរអង្វែងរបស់នាងជាមួយ Raffles និង សេចក្តីមេត្តាចំពោះកុមារ Sunrise បានបញ្ចូលគ្នាជាស្មារតីនៃការឱ្យដែលកំណត់សិល្បៈពិតប្រាកដ។

“អស់រយៈពេល៩៦ឆ្នាំមក Raffles Hotel Le Royal បានឈរជានិមិត្តរូបនៃមរតក បដិសណ្ឋារកិច្ច និង បេះដូង។ តាមរយៈ ‘I Spy – The Magic of Raffles’ យើងមានកិត្តិយសអបអរមរតករបស់យើងតាមរបៀបដែលផ្តល់ត្រឡប់មកវិញ ដោយបំផុសគំនិតជំនាន់ក្រោយនៃវិចិត្រករកម្ពុជា និង គាំទ្រការងារដ៏មានអត្ថន័យរបស់ Sunrise Cambodia” លោកស្រី Dagmar Lyons អគ្គនាយិកា Raffles Hotel Le Royal មានប្រសាសន៍។

លោកស្រី Geraldine Cox ស្ថាបនិក Sunrise Cambodia បានបន្ថែមថា៖
“ការសហការជាមួយ Raffles Hotel Le Royal នាំមកនូវសេចក្តីសោមនស្សដ៏ធំធេងដល់កុមាររបស់យើង។ វាផ្តល់វេទិកាដល់ពួកគេដើម្បីបង្ហាញភាពច្នៃប្រឌិត និង ទំនុកចិត្ត ខណៈតភ្ជាប់ពួកគេជាមួយសហគមន៍ធំទូលាយ។ យើងសូមថ្លែងអំណរគុណយ៉ាងជ្រាលជ្រៅចំពោះ Raffles ដែលបានប្រែសិល្បៈទៅជាក្តីសង្ឃឹម និង ការស្រមើស្រមៃទៅជាឱកាស”។

គម្រោងដ៏មានអត្ថន័យនេះអាចកើតមានឡើងដោយសារការគាំទ្រដ៏សប្បុរសពី Peace Book Centra និង Pivot Management ដែលការប្តេជ្ញាចិត្តចំពោះសហគមន៍ និង ភាពច្នៃប្រឌិតបានជួយឱ្យ “I Spy – The Magic of Raffles” ក្លាយជាការពិត។

អំពី RAFFLES

Raffles Hotels & Resorts មានប្រវត្តិសាស្ត្រដ៏ល្បីល្បាញ និងជា ទីតាំងសណ្ឋាគារដ៏មានកិត្យានុភាពបំផុតនៅលើពិភពលោក។ នៅឆ្នាំ១៨៨៧ Raffles Singapore បានកំណត់ស្តង់ដារសម្រាប់បដិសណ្ឋារកិច្ចប្រណិត ដោយណែនាំពិភពលោកឱ្យស្គាល់អ្នកបម្រើឯកជន ស្រាក្រឡុក Singapore Sling និង សេវាកម្មដ៏ល្អឥតខ្ចោះ។ សព្វថ្ងៃនេះ Raffles បន្តប្រពៃណីនេះនៅក្នុងទីក្រុងឈានមុខ និង រមណីយដ្ឋានប្រណីត ដោយធ្វើឱ្យអ្នកធ្វើដំណើរមានមន្តស្នេហ៍ជាមួយបទពិសោធន៍ដ៏មានអត្ថន័យ និង សេវាកម្មដែលមានទាំងសប្បុរស និង វៃឆ្លាត។ អ្នកដែលចូលចិត្ត ជ្រើសរើស Raffles មិនត្រឹមតែសម្រាប់ឱកាសវប្បធម៌ សម្រស់ និង ភាពថ្លៃថ្នូរ ប៉ុន្តែសម្រាប់របៀបដ៏វិសេសវិសាលដែលពួកគេមានអារម្មណ៍នៅពេលស្នាក់នៅជាមួយ Raffles។ រាល់ Raffles មិនថានៅប៉ារីស អ៊ីស្តង់ប៊ុល ឌូបៃ វ៉ាសូវី ចាកាតា ឬ សីសែល សុទ្ធតែជាទីជម្រកដ៏គួរឱ្យគោរព ដែលអ្នកធ្វើដំណើរមកដល់ជាភ្ញៀវ ចាកចេញជាមិត្តភក្តិ និង ត្រឡប់មកវិញជាគ្រួសារ។ Raffles ជាផ្នែកមួយនៃ Accor ដែលជាក្រុមបដិសណ្ឋារកិច្ចឈានមុខគេលើនៅលើពិភពលោក មានអចលនទ្រព្យជាង ៥,១០០ និង កន្លែងអាហារ-ភេសជ្ជៈ ១០,០០០ នៅទូទាំង ១១០ ប្រទេស។

raffles.com | all.accor.com | group.accor.com

សម្រាប់ព័ត៌មានបន្ថែម សូមទាក់ទង៖

Michelle Htway

អ្នកគ្រប់គ្រងទីផ្សារ និង ទំនាក់ទំនង

+855 10 396086

michelle.htway@raffles.com