ក្រុមហ៊ុន(OCIC) មានក្ដីសោមនស្សគាំទ្រការប្រគំតន្ត្រី “Rise for Khmer” ដែលប្រព្រឹត្តទៅនៅថ្ងៃទី ១ ខែធ្នូ ឆ្នាំ២០២៥ ក្នុងទីក្រុងប៉ារីសប្រទេសបារាំង។ កម្មវិធីនេះមានវត្តមានសិល្បករ សិល្បការិនីល្បីៗពីផលិតកម្មបារមី រួមមានលោក VANNDA, កញ្ញា SUZANA, លោក VANTHAN, លោក NORITH និងលោកYUUHAI ដែលនឹងឡើងបង្ហាញការប្រគំតន្ត្រីនៅ Salle Pleyel ជាសាលតន្ត្រីអន្តរជាតិល្បីល្បាញមួយនៅប្រទេសបារាំង។

កម្មវិធីនេះរៀបចំដោយសមាគមសិល្បករខ្មែរ និង Sabay Dara ដោយមានការគាំទ្រពីក្រសួងវប្បធម៌ និងវិចិត្រសិល្បៈ ដើម្បីបង្ហាញវប្បធម៌ខ្មែរនៅលើឆាកអន្តរជាតិ។

ក្នុងរយៈពេលជាង ២៥ ឆ្នាំមកនេះ OCIC បានចូលរួមអភិវឌ្ឍកម្ពុជាតាមរយៈគម្រោងទីក្រុងរណប និងហេដ្ឋារចនាសម្ព័ន្ធសាធារណៈ និងសំខាន់ដូចជាអាកាសយានដ្ឋានអន្តរជាតិតេជោ។ ការគាំទ្រកម្មវិធីវប្បធម៌នៅក្រៅប្រទេសលើកនេះជាការបន្តការប្តេជ្ញារយៈពេលវែងរបស់ OCIC ក្នុងការលើកស្ទួយ និងពង្រឹងវឌ្ឍនភាពរបស់ប្រទេសកម្ពុជា។

ការចូលរួមនេះឆ្លុះបញ្ចាំងតាមរយៈតំបន់អភិវឌ្ឍន៍របស់គម្រោងអភិវឌ្ឍន៍ OCIC គម្រោងជ្រោយចង្វារបេយ៍ដែលជាទីតាំងសម្រាប់កម្មវិធីធំៗ សម្រាប់ការប្រគំតន្ត្រីរបស់លោក វណ្ណដា ដែលរៀបចំដោយផលិតកម្មបារមី សិល្បករជាតិ និងអន្តរជាតិ រួមទាំងក្រុម K-Pop ដូចជា PSY 2NE1 និងព្រឹត្តិការណ៍ជាតិដូចជា PrideFest ។

ក្នុងឆ្នាំ ២០២៥ ទីក្រុងកោះពេជ្រមានអ្នកមកចូលរួមព្រឹត្តិការណ៍ផ្សេងៗជាង ៨០០,០០០ ដែលនេះសបញ្ជាក់ឱ្យឃើញថា តំបន់នេះជាតំបន់ពហុវប្បធម៌សកម្មបំផុតមួយនៅកម្ពុជា។

ក្រៅពីតំបន់ទាំងនេះ OCIC ក៏គ្រប់គ្រងវេទិកាវប្បធម៌សំខាន់ៗដូចជា មហោស្រពកោះពេជ្រ និងល្ខោនចេនឡាដែលបានរៀបចំកម្មវិធីសិល្បៈជាច្រើនទម្រង់ក្នុងមួយឆ្នាំៗ។

ការគាំទ្រនេះមានអត្ថន័យខ្លាំងសម្រាប់ស្ថាបនិក OCIC គឺលោកអ្នកឧកញ៉ាបណ្ឌិតពុង ឃាវសែ ដែលធ្លាប់ជាជនភៀសខ្លួនទៅប្រទេសកាណាដា មុនពេលលោកត្រឡប់មកកម្ពុជាវិញនៅអំឡុងដើមឆ្នាំ ១៩៩០។ បទពិសោធ៍ជីវិតរបស់លោកបានផ្តល់ឱ្យ OCIC នូវការយល់ដឹងពីសារៈសំខាន់របស់វប្បធម៌ខ្មែរនៅលើឆាកអន្តរជាតិក្នុងការតភ្ជាប់សហគមន៍ខ្មែរទូទាំងពិភពលោក។

លោក Thierry Tea អនុប្រធាន OCIC មានប្រសាសន៍ថា “ការគាំទ្រវប្បធម៌ខ្មែរជារឿងសំខាន់បំផុតមួយសម្រាប់យើង។ ពេលសិល្បករកម្ពុជាមានឱកាសសម្ដែងលើឆាកអន្តរជាតិ គឺជារឿងដែលធ្វើឱ្យយើងមានមោទនភាព។ យើងជឿថា កេរ្តិ៍ឈ្មោះវប្បធម៌ខ្មែរនឹងកាន់តែរីកសុះសាយនៅលើឆាកអន្តរជាតិ ហើយ OCIC ត្រៀមខ្លួនរួចជាស្រេចក្នុងការគាំទ្រគម្រោងដែលជួយផ្សព្វផ្សាយអត្តសញ្ញាណខ្មែរទៅពិភពលោក។” ការគាំទ្រ “Rise for Khmer” ស្របតាមទិសដៅនៃការចូលរួមជាប្រចាំរបស់ OCIC។ ការប្រគំតន្ត្រីនៅប៉ារីសលើកនេះ នឹងបង្ហាញសិល្បករ សិល្បការិនីជួរមុខរបស់ផលិតកម្មបារមី ហើយនាំយកភាពច្នៃប្រឌិតរបស់ខ្មែរទៅបង្ហាញទស្សនិកជនអន្តរជាតិថ្មីៗ ជម្រុញស្មារតីរួបរួមនិងការចូលរួមរបស់សហគមន៍។