វី ជីវ័ន្ត ផ្ដើមពីគ្មានសង្ឃឹម ទៅមានសង្ឃឹមវិញ

2016-09-28 17:20:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង វី ជីវ័ន្ត ដែលទើបទទួលដំណឹងល្អបានទៅសម្ដែងនៅអាមេរិកពេលខាងមុខនេះជាលើកទី១ បានឲ្យដឹងថា ដំបូងឡើយលោកគ្មានសង្ឃឹមបាន ទៅទឹកដីប្រទេសមហាអំណាចមួយនោះទេ តែបែរជាមានសំណាងល្អអាចសម្ភាសន៍ជាប់ទៅវិញ។

រូប វី ជីវ័ន្ត និងអ្នកគ្រូបង្រៀននៅសាកលវិទ្យាល័យ ភូមិន្ទវិចិត្រសិល្បៈ

ជីវ័ន្ត បន្តថា ដំណើរទៅសហរដ្ឋអាមេរិកលើកដំបូងរបស់លោក គឺតាមរយៈអង្គការ IKARE និង សារមន្ទីរមរតកខ្មែរ។ “ពេលទៅសម្ភាសន៍នឹង បងអត់រំពឹងថាបងជាប់ទេ ព្រោះតាមបងដឹង មានអ្នកទៅសម្ភាសន៍តាមអង្គការនោះ បីបួននាក់តែធ្លាក់ទាំងអស់គ្នា នេះជាមូលហេតុដែលបងគ្មានសង្ឃឹម។ តែមិននឹកស្មានថា បែរជាបានជាប់ទៅវិញសោះ។”

តារាប្រុសវ័យ ៣១ ឆ្នាំខាងលើបន្ថែម ការចេញទៅទឹកដីសម្បូរដុល្លារនេះបានរួមដំណើរជាមួយអ្នកចម្រៀងស្រីម្នាក់ទៀត។ "បងទៅលើកនេះជាមួយកញ្ញា ចំរើន សុភា ដែលត្រូវជាបងស្រីបង្កើតកញ្ញា ចំរើន សុភ័ក្រ្ត ហើយពេលទៅសម្ភាសន៍តែពីរនាក់គាត់ ហើយក៏បានជាប់ទាំងពីរនាក់តែម្ដង"។ លោកបន្ថែមទៀតថា សម្រាប់សំណួរដែលខាងកុងស៊ុលសួរ គឺមានមិនច្រើនទេ រួចគេក៏ប្រគល់វីសាជូនពួកលោក។

វី ជីវ័ន្ត បញ្ជាក់ប្រាប់បន្តទៀតថា ថវិកាដែលបានពីការលក់សំបុត្ររបស់លោក ភាគច្រើននឹងយកទៅជួយកុមារកំព្រាក្នុង អង្គការ IKARE ។ តន្ត្រីកររូបនេះ ចេញដំណើរនៅថ្ងៃ ០៧ ឬ ០៨ ខែ វិច្ឆិកា និងមកវិញថ្ងៃ ០៦ ខែ មករា ឆ្នាំ ២០១៧។ សម្រាប់ការសម្ដែងមានរដ្ឋ មីនីសូតា វ៉ាស៊ីនតោន និងទីក្រុង ឡូវ៉េ និងមានច្រៀនរដ្ឋ និងក្រុងផ្សេងទៀត៕

ចុចអាន៖ក្រៅពីតារាសម្ដែង ជីវ័ន្ត មានមុខរបរ២ផ្សេងទៀត

អត្ថបទ៖ទ្រី រ៉ាវី