មុជទឹកក្រោមបាតសមុទ្រ ពលរដ្ឋខ្មែរមើលរំលង តែបរទេសចូលចិត្តបំផុត

2016-11-24 09:10:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ការមុជទឹកមើលក្រោមបាតសមុទ្រ (Scuba Diving) ជាកម្សាន្តដែលពលរដ្ឋកម្ពុជាភាគច្រើនមើលរំលង តែមានការពេញនិយមបំផុតពីជនបរទេស។

អ្នកស្រី រស់ គន្ធណុច អ្នកគ្រប់គ្រងក្រុមហ៊ុន Koh Kong Dive Center ដែលផ្តល់សេវាកម្មកម្សាន្តមុជទឹកមើលបាតសមុទ្រដល់ភ្ញៀវទេសចរនៅកោះរុងប្រាប់ថា ប្រទេសកម្ពុជាមានសមុទ្រដ៏ស្រស់ស្អាត ប៉ុន្តែពលរដ្ឋជាច្រើនហាក់មិនសូវចាប់អារម្មណ៍។

ពលរដ្ឋកម្ពុជាគួរតែសាកល្បងការកម្សាន្តដ៏រំភើបនេះ ដើម្បីស្វែងយល់និងបានដឹងពីភាពអស្ចារ្យនៃបាតសមុទ្រប្រទេសកម្ពុជា ដែលមានភាពស្រស់ស្អាតកម្របានឃើញ។

អ្នកគ្រប់គ្រងរូបនេះថា ការមុជទឹកទស្សនាបាតសមុទ្រ មានប្រើប្រាស់ឧបករណ៍សម្រាប់ដកដង្ហើម ដើម្បីអ្នកកម្សាន្តអាចមុជមើលផ្កាថ្មនិងជីវិតរស់នៅក្រោមបាតសមុទ្រផ្សេងៗ។

ទាក់ទងតម្លៃវិញម្ចាស់ក្រុមហ៊ុនអភិវឌ្ឍរមណីយដ្ឋានកម្សាន្តនេះថា មានការបែងចែកខុសៗគ្នា។ សម្រាប់អ្នកដែលមាន License តម្លៃ ៨០ ដុល្លារ ដែលមានផ្តល់សេវាកម្មស្នាក់នៅ អាហារ និងការដឹកជញ្ជូន និង តម្លៃ ៩០ សម្រាប់អ្នកដែលទើបស្វែងរកបទពិសោធន៍ការកម្សាន្តជាលើកដំបូង។

អត្ថបទ៖ ប៊ុណ្ណារ៉ា

រូបថត៖ផ្តល់ឲ្យ