ili ឧបករណ៍ដណ្ដើមអាជីពអ្នកបកប្រែភាសា បើទិញពេលនេះចំណេញលុយ ៦០ ដុល្លារ

2017-06-01 03:35:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ili ដែលល្បីកាលពីឆ្នាំមុនគ្រោងដណ្ដើមអាជីពអ្នកបកប្រែភាសា បច្ចុប្បន្នមានការបើកឲ្យ Pre-Order ហើយ។ ជាធម្មតាតម្លៃរបស់វាគឺ ២៤៩ ដុល្លារ ប៉ុន្តែបើអ្នកកុម្ម៉ង់ទុកនៅពេលនេះ គឺចំណេញ ៦០ ដុល្លារ ចុះមកសល់ត្រឹម ១៨៩ ដុល្លារប៉ុណ្ណោះ ខណៈតួលេខលក់កំណត់ត្រឹមតែ ១ ម៉ឺនគ្រឿង។

ili ជាឧបករណ៍ស័ក្ដិសមបំផុតសម្រាប់អ្នកទេសចរក្រៅប្រទេស។ នៅពេលអ្នកនិយាយអ្វីមួយ វានឹងធ្វើការបកប្រែប្រយោគនោះភ្លាមៗក្នុងរយៈពេល ០,២ វិនាទី ទៅជាជម្រើសភាសាមួយទៀតដែលអ្នកត្រូវការ ប៉ុន្តែបច្ចុប្បន្នអាចគាំទ្រតែ ៤ ភាសាប៉ុណ្ណោះ រួមមានចិន អង់គ្លេស ជប៉ុន អេស្ប៉ាញ។ ឧបករណ៍នេះមិនទាមទារប្រើប្រាស់ប្រព័ន្ធ Wi-Fi អ្វីនោះទេ គឺវាបានចង់ភ្ជាប់នូវប្រព័ន្ធពិសេសក្នុងម៉ាស៊ីនជាស្រេចមកហើយ។

យ៉ាងណាមិញសម្រាប់ភាសាដែលអាចគាំទ្របន្ថែមនាថ្ងៃខាងមុខ ក៏នឹងមានបញ្ចូលបន្ថែមទៀតសម្រេចទៅតាមការគាំទ្រច្រើនពីអ្នកប្រើប្រាស់។ រំលឹកថាការ Pre-Order ឧបករណ៍ខាងលើ នឹងបញ្ចប់ក្នុងរយៈពេល ៣០ ថ្ងៃខាងមុខ ហើយតម្លៃលក់ចេញនឹងប្រែទៅជាធម្មតាវិញ។