Microsoft និង Facebook បញ្ចេញកណ្តាប់ដៃក្តៅប្រឆាំងក្រុមនៅពីក្រោយការវាយប្រហាររបស់មេរោគ WannaCry
- 2017-12-20 12:36:15
- ចំនួនមតិ 0 | ចំនួនចែករំលែក 0
Microsoft និង Facebook បញ្ចេញកណ្តាប់ដៃក្តៅប្រឆាំងក្រុមនៅពីក្រោយការវាយប្រហាររបស់មេរោគ WannaCry
ចន្លោះមិនឃើញ
ក្រុមហ៊ុន Facebook និង Microsoft បានចាប់ដៃគ្នាដើម្បីបង្រា្កបលើក្រុមហេកឃើរដែលនៅពីក្រោយការបញ្ចេញមេរោគកុំព្យូទ័រ WannaCry វាយប្រហារពិភពលោកកាលពីខែឧសភាកន្លងទៅ ។
ក្រុមហ៊ុន និងមន្រ្តីសេតវិមានអាមេរិកមួយរូបឱ្យដឹងកាលពីថ្ងៃអង្គារម្សិលមិញថា កាលពីសប្តាហ៍មុនក្រុមហ៊ុនបច្ចេកវិទ្យាយក្សមានមូលដ្ឋាននៅអាមេរិកទាំងពីរបានសហការជាមួយសមាជិកផ្សេងទៀតដែលមិនបង្ហាញឈ្មោះក្នុងគម្រោងនៃសហគមន៍សន្តិសុខដើម្បីចាត់វិធានការក្តៅប្រឆាំងនឹងក្រុមហេកឃើរ ។ ដោយឡែកក្រុមហេកឃើរត្រូវបានគេស្គាល់ថាជា ZINC ឬ Lazarus ក៏ជាប់ពាក់ព័ន្ធនឹងការគំរាមកំហែងតាមប្រព័ន្ធអ៊ីនធើណិតឥតឈប់ឈររួមមានការវាយប្រហារមេរោគ WannaCry ដែលបំផ្លាញទិន្នន័យមន្ទីពេទ្យ ស្ថាប័នអាជីវកម្មនិងធនាគារកាលពីរដូវរំហើយកន្លងទៅ ។
ការប្រកាសបានធ្វើឡើងនៅថ្ងៃដូចគ្នាដែលរដ្ឋាភិបាលអាមេរិកបានចោទប្រកាន់ជាផ្លូវការថា កូរ៉េខាងជើងជាបងធំនៅពីក្រោយការវាយប្រហារមេរោគ WannaCry នេះ ។ លោក Tom Bossert ទីប្រឹក្សារបស់ខុទ្ធការល័យ Homeland Security និយាយថា បន្ទាប់ពីបើកការស៊ើបអង្កេតប្រុងប្រយ័ត្នសហរដ្ឋអាមេរិកបានបន្ទោសលើប្រទេសកូរ៉េខាងជើងសម្រាប់ការវាយប្រហារដោយផ្អែកលើភស្តុតាងដែលមិនត្រូវបានគេលម្អិតបន្ថែមឡើយ ។ ទន្ទឹមគ្នានេះដែររដ្ឋាភិបាលប្រទេសអង់គ្លេស អូស្រ្តាលី កាណាដា នូវែលសេឡង់និងរដ្ឋាភិបាលជប៉ុនក៏បានប្រកាសដែរថាពួកគេជឿជាក់ថា កូរ៉េខាងជើងជាអ្នកនៅពីក្រោយការវាយប្រហារនេះ ។
គួរបញ្ជាក់ថា ការវាយប្រហារមេរោគ WannaCry តាមប្រព័ន្ធអ៊ីនធើណិតបានចាប់ផ្តើមកាលពីថ្ងៃទី ១២ ឧសភា ២០១៧ ដែលក្នុងរយៈពេលត្រឹមតែមួយថ្ងៃវាអាចលុកលុយកុំព្យូទ័រច្រើនជាង ២៣០ ០០០ គ្រឿង និងរីករាលដាលជាង ១៥០ ប្រទេសលើសកលលោក ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
