អត្ថប្រយោជន៍ទាំង ៨ ក្នុងការថតប្រើទម្រង់ JPEG

2017-12-28 02:12:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូបប្រើទម្រង់ RAW មានលក្ខណៈល្អប្រសើរជាងការថតប្រើទម្រង់ JPEG សម្រាប់អ្នកថតរូបជាអាជីព តែមិនមានន័យថាគួរតែបោះបង់ទម្រង់ JPEG នោះទេ។ អ្នកថតរូបកាន់តែច្រើនឃើញអត្ថប្រយោជន៍ក្នុងការថតប្រើទម្រង់ JPEG ជាងប្រើ RAW ដោយពួកគេពេញចិត្តនឹងលទ្ធផលចេញមកពីកាមេរ៉ា។ ដូច្នេះអ្នកអាចពិនិត្យមើលគុណសម្បត្តិ ទាំង ៨ ក្នុងការថតប្រើទម្រង់ JPEG ដើម្បីជាជ្រុងមួយនៃគំនិត។

១. ទំហំ File តូច

ថ្វីបើទំហំ File រូបភាពអាស្រ័យលើទិដ្ឋភាពបានថត រូបភាពទម្រង់ RAW ធម្មតាមានទំហំធំជាងទម្រង់ JPEG ២ ទៅ ៣ដង ឬ ៦ ទៅ ៧ដង។ មេម៉ូរីកាតឆាប់ពេញ ដូច្នេះត្រូវការពេលវេលាផ្លាស់ប្ដូរកាត ហើយបើត្រូវការមេម៉ូរីកាតធំ ត្រូវចំណាយលុយច្រើនបន្តិចដើម្បីរក្សាទុកព័ត៌មានទាំងនេះ។ អ្នកអាចមានជម្រើសក្នុងការថតប្រើទម្រង់ RAW តូច ឬមធ្យម តែអ្នកមិនអាចទទួលបានផលវិជ្ជមានច្រើននៃ Sensor របស់កាមេរ៉ានោះទេ។

២. ការប្រើ Burst កាន់តែល្អ

ចំពោះការថតរូបសកម្មភាព Buffer របស់កាមេរ៉ានឹងឆាប់ពេញ ប្រសិនបើអ្នកថតប្រើ RAW ឬ ទាំង RAW និង JPEG ហើយអាចពន្យឺតល្បឿនពេលថតរូបភាពប្រើ Burst (ការថតរូបបន្តបន្ទាប់ដោយចុចសង្កត់ឲ្យជាប់)។ អ្នកប្តូរប្រើជម្រើស JPEG ការថតនឹងមានល្បឿនលឿន។ កាមេរ៉ាមួយចំនួនអាចឲ្យអ្នកធ្វើបែបនេះបានរហូតដល់ មេម៉ូរីកាតពេញ តែអ្នកគួរប្រាកដថាល្បឿនមេម៉ូរីកាតមានល្បឿនលឿនផងដែរ ក្នុងការទទួលយកសំណុំរូបភាព។

៣. បង្កើនចំណេះដឹង

អ្នកអាចព្យាយាមទទួលលទ្ធផលល្អបំផុតក្នុងការប្រើកាមេរ៉ាតែម្តង ពេលអ្នកថត JPEG ដូច្នេះអ្នកអាចពិនិត្យរូបភាព និងស្វែងរកកំហុសឆ្គង។ ប្រសិនបើអ្នកថតប្រើទម្រង់ RAW អ្នកប្រហែលជាមិនដឹងកាមេរ៉ាអ្នកមានសមត្ថភាពផ្តល់ឲ្យប៉ុណ្ណានោះទេ។ អ្នកអាចត្រួតពិនិត្យការ Focus ជាមួយនឹង Control ពង្រីកបង្រួម និងប្រើ Highlight ណែនាំជាមួយនឹង Exposure ដើម្បីកែប្រែតាមការគួរ ដូច្នេះអ្នកកាន់តែដឹងពីសមត្ថភាពរបស់កាមេរ៉ាអ្នកប្រើ។

៤. ការកែតម្រូវក្នុងកាមេរ៉ាតែម្តង

ក្រោយអ្នកផ្ដិតយករូបភាព កាមេរ៉ាអ្នកអាចផ្តល់ជម្រើសកែប្រែមួយចំនួន ដូចជាកាត់បន្ថយ Noise លើតំបន់នៃទិដ្ឋភាពជាក់លាក់ណាមួយ, ធ្វើឲ្យតំបន់មានស្រមោលមានកម្រិតតុល្យភាពចំពោះ Exposure, មានជម្រើស Preset (មានប្រើស្រាប់ៗ) កែប្រែពណ៌ និងមានជម្រើសល្អមួយចំនួនទៀត។ ដោយប្រើកាមេរ៉ាអ្នកឲ្យអស់ពីលទ្ធភាព អ្នកអាចចំណេញពេលវេលាបានច្រើនដែរ។

៥. ការកែតម្រូវ Lens បានរហ័ស

កាមេរ៉ាអាចដំណើរការជួយដល់ការកែតម្រូវ Lens ដូចជា Vignetting, Distortion និង Chromatic aberration។ ប្រសិនបើអ្នកប្រើ Wide angle lens លើកន្លែងដែលប្រហែលជាអាចកើតមាន Distortion និង Vignetting ចំនុចនេះអាចជួយបាន ហើយចំណេញពេលវេលា។ ពិតណាស់ អ្នកអាចធ្វើបានលើ RAW ដោយប្រើកម្មវិធីកាត់តផ្សេងៗ តែការកែតម្រូវបានភ្លាមៗងាយស្រួលដោយប្រើ JPEGមានលក្ខណៈល្អជាង។

៦. អ្នកមិនតែងតែត្រូវការ RAW នោះទេ

វាជាគំនិតល្អដោយប្រើ RAW តែសម្រាប់ការថតរូបធម្មតាៗ មិនតែងតែចាំបាច់នោះទេ ដោយអ្នកត្រូវការដំណើរការគ្រប់រូបភាព ត្រួតពិនិត្យមើលទំហំ ដែលរូបភាពទម្រង់ពីរមានភាពខុសគ្នាតិចតួច ទាក់ទងនឹងភាពច្បាស់ និង ការកាត់បន្ថយ Noise។ កាមេរ៉ាទំនើបជាច្រើនមានប៊ូតុងយ៉ាងហោចណាស់មួយ អាចដំណើរការថតទម្រង់ RAW បានរហ័ស ដែលមានន័យថាអ្នកអាចប្រើ JPEG គ្រប់ការថត និងប្តូរប្រើទៅកាន់ RAW ឬ ទាំង RAW និង JPEG បានរហ័ស ដូច្នេះអ្នកអាចត្រួតពិនិត្យម៉ូដែលកាមេរ៉ាសម្រាប់ប្រយោជន៍នេះបាន។

៧. ប្រើបានភ្លាមៗ

ពេលអ្នកថត JPEG អ្នកអាចប្រើរូបភាពនោះបានភ្លាមៗ ហើយអាចបើកមើលលើសឹងតែគ្រប់ Device។ ប្រសិនបើអ្នកត្រូវការផ្ញើរទៅកាន់នរណា ឬចែករំលែកលើបណ្ដាញសង្គម ឬ Print ចេញ ឬបើកមើលលើកុំព្យូទ័របង្ហាញ អ្នកអាចធ្វើបានភ្លាមៗ។ RAW file ត្រូវការកម្មវិធីជាក់លាក់ ដើម្បីបើកដំណើរការ ហើយអាស្រ័យលើម៉ូដែលកាមេរ៉ាទៀត។