​​ប៉ុន្មាន​ម៉ោង​មុន​នេះ​បន្តិច​ Apple បាន​ចេញ​សារ​សុំទោស​អ្នក​ប្រើ​ប្រាស់​ iPhone នៅ​លើ​ពិភពលោក​ ទាក់​ទង​នឹង​ការ​បន្ថយ​​ល្បឿន​លើ​ iPhone ដែល​មាន​ថ្ម​ចាស់ៗ។

ក្នុង​សារ​ផ្ញើ​ជូន​អតិថិជន​របស់​ខ្លួន​ Apple បាន​​និយាយ​ថា​ អតិថិជន​គួរ​តែ​យល់​ថា​​ក្រុមហ៊ុន​មិន​ធ្វើ​​រឿង​នេះ​ដោយ​ចេតនា​ចង់​​ឲ្យ​អតិថិជន​ទិញ​ iPhone ថ្មី​នោះ​ទេ ប៉ុន្តែ​ចង់​​ឲ្យ​ iPhone ចាស់ៗ​ប្រើ​ប្រាស់​បាន​រយៈពេល​យូរ​តាម​ដែល​អាច​ទៅ​រួច​ទៅ​វិញ​ទេ។

ដើម្បី​ជា​ការ​ប៉ះប៉ូវ​ Apple បាន​បន្ថយ​​តម្លៃ​លើ​ការ​ប្ដូរ​ថ្ម​ថ្មី​ពី​ ៧៩ ដុល្លារ​ មក​នៅ​ត្រឹម​ ២៩ ដុល្លារ​ ចាប់​ពី​​ម៉ូដែល​ iPhone 6 ឡើង​ទៅ។ ការ​​ផ្ដល់​ជូន​នេះ​​សម្រាប់​គ្រប់​ប្រទេស​ជុំវិញ​ពិភពលោក​​ដែល​មាន​​ហាង​ Apple Store ផ្លូវ​ការ​ ចាប់​ពី​​ចុង​ខែ​មករា​ ឆ្នាំ​ក្រោយ​ត​ទៅ។

Apple ក៏​នឹង​បញ្ចេញ​ការ​អាប់ដេត​នៅ​ដើម​ឆ្នាំ​ ២០១៨ ដើម្បី​បន្ថែម​ព័ត៌មាន​​ទាក់​ទង​នឹង​ថាមពល​ថ្ម​ ឲ្យ​អ្នក​ប្រើ​ប្រាស់​ដឹង​កាន់​តែ​លម្អិត៕​​

ប្រភព៖ redmondpie   ប្រែ​សម្រួល៖ សុខហេង