មេ Apple រកលុយបានច្រើនពេក ដល់ថ្នាក់គេតម្រូវឲ្យជិះតែយន្តហោះឯកជន

2017-12-29 03:02:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះ Apple បានចេញផ្សាយលិខិតស្ដីពីម្ចាស់ភាគហ៊ុន ដែលមានបង្ហាញព័ត៌មានគួរចាប់អារម្មណ៍មួយចំនួនអំពីប្រតិបត្តិការក្រុមហ៊ុនប្រចាំឆ្នាំ ២០១៧។

លិខិតបានពន្យល់ថាលោក Tim Cook នាយកប្រតិបត្តិក្រុមហ៊ុន Apple ប្រាក់លើកទឹកចិត្តចំនួន ៩,៣៣ លានដុល្លារសម្រាប់ឆ្នាំ ២០១៧។ បន្ថែមពីនេះគាត់ក៏ទទួលបានប្រាក់បៀវត្សប្រចាំ ៣,០៦ លានដុល្លារ និងប្រាក់រង្វាន់ចំនួន ៨៩,២ លានដុល្លារផងដែរ។ សម្រាប់ឆ្នាំ ២០១៧ នេះ លោក Tim Cook ទទួលបានចំណូលសរុប ១០២ លានដុល្លារ។

ព័ត៌មានគួរឲ្យចាប់អារម្មណ៍មួយទៀតដែលមានបង្ហាញក្នុងលិខិត គឺចាប់ពីពេលនេះមានការតម្រូវឲ្យលោក Tim Cook ប្រើប្រាស់តែយន្តហោះឯកជនសម្រាប់ការធ្វើដំណើរទាំងចំពោះការបំពេញកិច្ចការងារ និងការធ្វើដំណើរផ្ទាល់ខ្លួន។ ច្បាប់នេះបង្កើតឡើងនៅឆ្នាំ ២០១៧ ដោយគិតគូរលើសុវត្ថិភាពរបស់លោក Tim Cook ដែលបានដើរតួជានាយកប្រតិបត្តិ ដែលជាតំណែងខ្ពស់បំផុតមួយ។

លើសពីនេះ ក្នុងលិខិតមានបញ្ជាក់ថា Apple បានចាយ ២២៤ ២១៦ ដុល្លារលើការការពារសុវត្ថិភាពលោក Tim Cook នៅឆ្នាំ ២០១៧ នេះ៕

ប្រភព៖ 9to5Mac ប្រែសម្រួល៖ សុខហេង