ឈិនឡុង៖ "ក្នុងរឿង Bleeding Steel បើខ្ញុំប្រហែសបន្តិចខ្ញុំនឹងត្រូវអង្គុយលើរទេះរុញ១ជីវិត"
- 2018-01-01 04:26:18
- ចំនួនមតិ 0 | ចំនួនចែករំលែក 0
ឈិនឡុង៖ "ក្នុងរឿង Bleeding Steel បើខ្ញុំប្រហែសបន្តិចខ្ញុំនឹងត្រូវអង្គុយលើរទេះរុញ១ជីវិត"
ចន្លោះមិនឃើញ
តារាសម្ដែងហុងកុងល្បីឈ្មោះសុសសាយពេញពិភពលោក Jackie Chan ឫ ឈិនឡុង បានបង្កការភ្ញាក់ផ្អើល ១ដល់អ្នកគ្រប់គ្នា នៅពេលឈុតខ្លីរបស់រឿងថ្មីលោកមានចំណងជើងថា "Bleeding Steel” ចេញផ្សាយ ខណៈលោកបានជួបឈុតឆាកសាហាវៗជាច្រើន។
ឈុតឆាកប្រយុទ្ធទាំងនោះ រួមមាន ឈុតវាយតប់លើដំបូល Sydney Opera House និងទម្លាក់ខ្លួនចុះពីលើអគារកម្ពស់ ២០ជាន់ ដោយគ្មានខ្សែជំនួយអ្វីទាំងអស់។
តាមរយៈការងារទាំងនេះដែរ ឈិនឡុងបានទទួលស្គាល់ថ្នាក់ វាពិតជាសាហាវបំផុត បើមិនប្រយ័ត្ននោះ ជាពិសេសអាចនឹងធ្វើឲ្យលោកគ្រោះថ្នាក់ពិការ ឫស្លាប់ភ្លាមក៏ថាបាន។ ណាមួយលោកឈានចូលដល់វ័យ ៦៣ ឆ្នាំហើយ ដូចនេះកម្លាំងកាយក៏មិនដូចមុនដែរ ហេតុនេះលោកត្រូវបង្កើនការប្រុងប្រយ័ត្នកាន់តែខ្លាំងទ្វេដង។
“ប្រសិនខ្ញុំមិនប្រយ័ត្ន អំឡុងពេលថតឈុតប្រយុទ្ធ១ ក្នុងរឿងនោះទេ ខ្ញុំប្រហែលជាត្រូវអង្គុយលើរទេះរុញ រហូត១ជីវិតមិនខាន”។ ឈិនឡុងនិយាយ។
យ៉ាងណាមិញ ក្រៅពីកំពូលតារាក្បាច់គុនរូបនេះ រឿង “Bleeding Steel” ក៏មានការចូលរួមសម្ដែងពីតារាល្បីៗជាច្រើនរូបទៀតដូចជា៖ Show Luo និង Nana Ou Yang ជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
