iPhone មួយគ្រឿងចំណេញ ១៥០ ដុល្លារ ច្រើនជាង Xiaomi ៧៥ ដង

2018-01-02 03:29:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមការស្រាវជ្រាវរបស់ក្រុមអ្នកវិភាគ Counterpoint Research បានបង្ហាញថា Apple អាចរកផលចំណេញជាមធ្យមបាន ១៥១ ដុល្លារ ពី iPhone មួយគ្រឿងដែលលក់នៅក្នុងត្រីមាសទី ៣ ឆ្នាំ ២០១៧។

តួលេខនេះសម្រាប់ Samsung មានត្រឹមតែ ៣១ ដុល្លារ ហើយ Huawei, Oppo, Vivo និង Xiaomi មានត្រឹម ១៥, ១៤, ១៣ និង ២ ដុល្លារ ប៉ុណ្ណោះ។ នេះជាលទ្ធផលបានពីការក្ដោបក្ដាប់ប្រាក់ចំណេញលើទីផ្សារបាន ៥៩,៨% នៅត្រីមាសទី ៣ ឆ្នាំ ២០១៧ របស់ Apple។ ត្បិតថាតួលេខនេះខ្ពស់ ប៉ុន្តែបើធៀបនឹងឆ្នាំមុនមានការធ្លាក់ចុះខ្លាំង ដែលមានដល់ទៅ ៨៥,៩%។

ចំណែក Samsung វិញ ប្រាក់ចំណេញលើទីផ្សារបានកើនឡើងពីឆ្នាំមុន ០% ឡើងមកដល់ ២៥,៩%។ ត្រីមាសទី ៣ ឆ្នាំមុន Samsung បានជួបរឿងអាស្រូវ Galaxy Note7 ដែលបណ្ដាលឲ្យប្រាក់ចំណេញធ្លាក់ចុះដល់ ០%។

ដោយឡែកងាកទៅមើលក្រុមហ៊ុនចិនវិញនៅតែបន្តប្រកួតប្រជែងជាមួយក្រុមហ៊ុនយក្សទាំងពីរខាងលើ។ ក្នុងចំណោមក្រុមហ៊ុនចិនទាំងឡាយ Huawei មានការកើនឡើងទីផ្សារប្រាក់ចំណេញពី ៣,៣% ទៅ ៤,៩%។ ចំណែក Oppo បានថយចុះពី ៤,២% មកនៅ និង Vivo ថយចុះពី ៣,៧% មកនៅត្រឹម ៣,១%។

គួរដឹងថាក្រុមហ៊ុន Samsung, Huawei, Oppo, Vivo និង Xiaomi មានចេញលក់ទូរសព្ទជាច្រើនប្រភេទមានចាប់ពីតម្លៃធូរថ្លៃ, មធ្យម និងតម្លៃខ្ពស់ ជាហេតុនាំឲ្យប្រាក់ចំណេញជាមធ្យមបានពីការលក់ស្មាតហ្វូនមួយមានកម្រិតទាប។ ខុសប្លែកពី Apple ដែល iPhone ភាគច្រើនសុទ្ធតែមានតម្លៃថ្លៃ លើកលែងតែ iPhone SE៕

ប្រភព៖ VNReview ប្រែសម្រួល៖ សុខហេង