ត្រកូល G នឹងចូលរណ្ដៅមរណៈនៅឆ្នាំ ២០១៨ នេះ
- 2018-01-04 02:16:16
- ចំនួនមតិ 0 | ចំនួនចែករំលែក 0
ត្រកូល G នឹងចូលរណ្ដៅមរណៈនៅឆ្នាំ ២០១៨ នេះ
ចន្លោះមិនឃើញ
តាមរយៈសារព័ត៌មាន The Investor របស់កូរ៉េខាងត្បូងបានឲ្យដឹងថា LG នឹងឈប់ប្រើឈ្មោះ G តទៅទៀតនៅឆ្នាំ ២០១៨ នេះ ដែលឈ្មោះនេះបានចាប់ផ្ដើមប្រើដំបូងនៅឆ្នាំ ២០១២។
ការលើកឡើងនេះមានន័យថាស្មាតហ្វូន LG G7 ដែលគេរំពឹងថាបង្ហាញខ្លួនក្នុងកម្មវិធី MWC ឆ្នាំ ២០១៨ នឹងត្រូវប្ដូរប្រើឈ្មោះថ្មីជាលើកដំបូង។ ប្រភពដែលមិនបញ្ចេញឈ្មោះបានបញ្ជាក់ថា LG កំពុងពិចារណាប្រើឈ្មោះដែលមានភ្ជាប់ជាមួយនឹងលេខ ២ ខ្ទង់ ជាជាងការប្រើលេខត្រឹមមួយខ្ទង់ដូចពីមុន ដោយសារមិនចង់ឲ្យអតិថិជនគិតថាវាជាទូរសព្ទហួសសម័យបើប្រៀបនឹង Galaxy S9 និង iPhone X។
ទាក់ទងនឹងការប្ដូរឈ្មោះនេះ LG ក៏បានចេញមុខបញ្ជាក់ជាផ្លូវការដោយបានពន្យល់ថា ៖ "ការប្ដូរឈ្មោះទូរសព្ទ Flagship (ទូរសព្ទកំពូលប្រចាំឆ្នាំ) មិនមែនជារឿងថ្មីទេ ហើយ Samsung និង Apple ក៏បានធ្វើដូចគ្នានេះសម្រាប់ទូរសព្ទ Flagship របស់ពួកគេដែរ”៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
