ត្បិតមិនសូវមានគេស្គាល់ តែកីឡាកររូបនេះ គឺជាកីឡាករវ័យក្មេងមានជាងគេលើលោក

2018-01-06 09:28:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Faiq Bolkiah របស់ Leicester City

Faiq Bolkiah បច្ចុប្បន្នគឺជាកីឡាករបម្រុងរបស់ Leicester City។ ពូរបស់លោកគឺជាស្តេចស៊ុលតង់នៃប្រទេសប្រ៊ុយណេ ឪពុករបស់លោកធ្លាប់ចំណាយ ៣៥ លានផោនក្នុងមួយខែ។ Faiq Bolkiah គឺជាកីឡាករវ័យក្មេងមានបំផុតមួយលើពិភពលោក។ នេះបើតាមប្រភពព័ត៌មានពី The Sun។

Faiq Bolkiah ជាប្រធានក្រុមជម្រើសជាតិ ប្រ៊ុយណេ

កីឡាករវ័យ១៩ឆ្នាំរូបនេះ ធ្លាប់បានចុះកិច្ចសន្យា២ឆ្នាំជាមួយ Chelsea ហើយលោកបានចេញទៅ Leicester City កាលពីខែធ្នូ ឆ្នាំ២០១៥។ បើទោះជាកីឡាករ មានកំណើតចេញពីត្រកូលរាជវង្សនៃប្រទេសអ្នកមានស្តុកស្តម្ភ មកពីតំបន់ភូមិភាគអាស៊ីអាគ្នេយ៍រូបនេះបានទៅដល់ក្លឹបធំៗនៅអង់គ្លេស ប៉ុន្តែគេមិនទាន់បានចូលលេងពេញលេញឡើយ ពោលគឺមានឈ្មោះត្រឹមជាកីឡាករបម្រុង។ យ៉ាងណាក្តី Faiq មិនបោះបង់មហិច្ចតាចង់ក្លាយជាតារាឆ្នើមឡើយ។ បើតាមកុងត្រារយៈពេល៣ឆ្នាំ យុវជនរបស់ Leicester City រូបនេះនឹងនៅជាមួយក្លឹបដល់ទៅខែធ្នូ ឆ្នាំ២០១៨នេះ។ ប្រភពខាងលើបន្ត។

Rolls Royce របស់បងប្អូនជីដូនមួយ Faiq Bolkiah រស់នៅក្នុងជីវភាពខ្ពង់ខ្ពស់បំផុតក្នុងប្រទេសរបស់ពួកគេ

Faiq គឺជាកីឡាករវ័យក្មេងដែលមានអាកប្បកិរិយាស្លូតបូត។ បើនិយាយអំពីឪពុករបស់ Faiq វិញគឺ ព្រះអង្គម្ចាស់ Jefri Bolkiah ប្រភពខាងលើបានរៀបរាប់ថាគឺជា playboy របស់រាជវង្សស៊ុលតង់ប្រទេសប្រ៊ុយណេ។ Jefri ចាយលុយដូចក្រដាស។ លោកចាយអស់ប្រមាណ ១០ ប៊ីលានផោន (ប្រហែល ២០,៣៥ ប៊ីលានដុល្លារ) ក្នុងរយៈពេល១៥ឆ្នាំចុងក្រោយ។

Faiq និង ឪពុកដែលជាព្រះអង្គម្ចាស់ Jefri Bolkiah

ប្រភពខាងលើបន្តថា មានពេលមួយនោះ Jefri ចំណាយជាង ៤៧,៥ លានដុល្លារលើរថយន្ត នាឡិកា និង ប៊ិចធ្វើពីមាសពណ៌ស និង ចាយជាង ១,៣ លានដុល្លារផ្សេងទៀតលើកម្មវិធីជប់លៀងជាមួយនារីស្អាតៗ។

ខុសពីឪពុក Faiq បានប្តេជ្ញាថានឹងគេចឲ្យផុតពីទ្រព្យសម្បត្តិដ៏ស្តុកស្តម្ភទាំងនោះ។ លោកបាននិយាយថា "ខ្ញុំចាំថា ខ្ញុំធ្លាប់លេងបាល់តាំងពីតូច ហើយតែងតែចូលចិត្តទៅក្រៅមានបាល់នៅជាប់នឹងជើង"។ ប្រភពខាងលើបន្ត៕