Wenger៖ បាត់បង់ Sanchez មិនធ្វើឲ្យ Arsenal ឈឺចាប់ដូចកាលបាត់ Van Persie ទេ
- 2018-01-19 04:29:13
- ចំនួនមតិ 0 | ចំនួនចែករំលែក 0
Wenger៖ បាត់បង់ Sanchez មិនធ្វើឲ្យ Arsenal ឈឺចាប់ដូចកាលបាត់ Van Persie ទេ
ចន្លោះមិនឃើញ
លោក Arsene Wenger ជឿថា បាត់ Alexis Sanchez មិនធ្វើឲ្យអ្នកគាំទ្រឈឺចាប់ ដូចកាលបាត់ Robin van Persie នោះទេ។
Wenger ត្រៀមខ្លួនរួចរាល់សម្រាប់ការបាត់បង់ Sanchez និងយល់ថា អ្នកគាំទ្រ Arsenal ក៏មិនឃាត់ឃាំងចិត្តរបស់កីឡាករអ្វីទៀតដែរគឺឲ្យគេទៅដោយតាមសម្រួល។ ប៉ុន្តែលោកគិតថា ពេលបាត់បង់ Robin van Persie ទៅកាន់ Manchester United ដូចគ្នាកាល២០១២ គឺជាការឈឺចាប់បំផុតសម្រាប់អ្នកគាំទ្រ។
Arsenal និង Manchester United កាន់តែខិតជិតក្នុងចរចាផ្លាស់ប្ដូរគ្នារវាងកីឡាករ Henrikh Mkhitaryan មកកាន់ទីក្រុងឡុដ៍ ឯ Sanchez មក Manchesterវិញ។ អ្នកចាត់ការសញ្ជាតិបារាំងមិនគិតថា អ្នកគាំទ្ររបស់ Arsenal មានអារម្មណ៍ខឹងសម្បារលើការផ្លាស់ប្ដូរនេះ ដូចកាល Van Persie ចេញនោះទេ។
“ពួកយើងបានយក Van Persie ពេលដែលគេជាកីឡាករបម្រុងនៅ Feyenoord។ ពួកយើងធ្លាប់ធ្វើការជាមួយគេច្រើន។ ពេលដែលពួកយើងមានគេនៅទីនេះ បន្ទាប់មកគេក៏ចាកចេញ វាពិតជាឈឺចាប់បំផុត។ អ្នកគាំទ្ររបស់ពួកយើងដឹង Alexis នឹងមិនពង្រីកកុងត្រាថ្មី ពួកគេបានត្រៀមចិត្តរួចរាល់"៕