ព្រះចន្ទពណ៌ខៀវ ពិតជាមានមែនឬ?

2018-01-25 04:02:20
ចំនួនមតិ 0 | ចំនួនចែករំលែក 0

ចន្លោះមិនឃើញ

មានការចេញផ្សាយថា ព្រះចន្ទពណ៌ខៀវ នឹងបង្ហាញខ្លួនជាលើកដំបូងនៅចុងខែមករានេះ ពោលចំថ្ងៃទី ៣១ តែម្ដង។ ទាក់ទងនឹងដំណឹងនេះ កើតមានមតិងឿងឆ្ងល់ថា តើព្រះចន្ទពណ៌ខៀវពិតជាមានមែនឬយ៉ាងណា?

តាមពិតទៅ ព្រះចន្ទពណ៌ខៀវ គ្រាន់តែជាឈ្មោះដែលលោកខាងលិចបង្កើតឡើង ដើម្បីតំណាងឲ្យព្រះចន្ទរះពេញវង់ដែលជាចំនួនលើស។ ជាទូទៅក្នុងមួយឆ្នាំមានព្រះចន្ទរះពេញវង់ត្រឹមតែ ១២ ដងប៉ុណ្ណោះ និងមួយខែមានចំនួន ១។

ដោយឡែកដោយសារតែលក្ខណៈចម្លែកនៃប្រតិទិន ហេតុនេះក្នុងខែខ្លះអាចមានព្រះចន្ទរះពេញវង់ដល់ទៅ ២ ដងឯណោះ ហើយព្រះចន្ទដែលរះលើសនេះហើយដែលគេហៅវាថា ព្រះចន្ទពណ៌ខៀវ (Blue Moon)។ ជាក់ស្ដែងក្នុងខែមករានេះ មានព្រះចន្ទរះពេញវង់ចំនួនពីរដង លើកទីមួយនៅចន្លោះថ្ងៃទី ១ ខែមករា និងលើកទីពីរនៅថ្ងៃទី ៣១ ខែមករានេះឯង។

នៅឆ្នាំ ២០១៨ នេះព្រះចន្ទពណ៌ខៀវមានចំនួនពីរ ដោយលើកទីពីរនឹងកើតមាននៅថ្ងៃទី ៣១ ខែមីនា ដែលជាព្រះចន្ទលើសប្រចាំខែមីនា។ ព្រះចន្ទពណ៌ខៀវបន្ទាប់ទៀតនឹងកើតមាននៅថ្ងៃទី ៣១ ខែតុលា ឆ្នាំ ២០២០៕

ប្រភព៖ Space | EarthSky ប្រែសម្រួល៖ សុខហេង