រឿងរ៉ាវគួរឲ្យចាប់អារម្មណ៍ទាំង១៥ របស់ Camila Cabello ម្ចាស់តំណែងកំពូល Billboard

2018-01-27 04:54:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីផ្ដាច់ខ្លួនពីក្រុមចម្រៀង Fifth Harmony មក ប្រជាប្រិយភាពរបស់ Camila មិនបានថមថយទេ ពោលគឺរឹតតែហក់ខ្ពស់ឡើងច្រើនកម្រិតថែមទៀត។

ទាំងចម្រៀងទោលបទ "Havana" និងអាល់ប៊ុមទី១របស់នាង សុទ្ធតែឈរនៅតំណែងកំពូលរបស់តារាង Billboard ។ សឹងតែអាចនិយាយបានថា យុវតីកើតឆ្នាំ១៩៩៧នេះ គឺជាបាតុភូតថ្មី១ ដែលនឹងតែគ្រប់ដណ្ដប់ពិភពតន្ត្រីទាំងមូល ត្បិតខណៈនេះ "Havana" ទំនងក្លាយជាទំនុកច្រៀង ដែលដក់ជាប់ក្នុងខួរក្បាលអ្នកចូលតន្ត្រីគ្រប់គ្នាហើយនាពេលបច្ចុប្បន្ន។

កំពុងឈានជើងក្លាយជា Superstar តើអ្នកដឹងអ្វីខ្លះពីតារាល្បីមានកម្ពស់១៥៧សង់ទីម៉ែត្ររូបនេះ?

ខាងក្រោមគឺរឿងរ៉ាវពិតទាំង១៥ដែលអ្នកគួរស្វែងយល់ពី Camila Cabello៖

១ នាងមិនចេះភាសាអង់គ្លេសឡើយ ពេលឈានជើងលើទឹកដីអាមេរិកដំបូង

Camila កើតនៅរដ្ឋធានីហាវាណា ប្រទេសគុយបា កន្លែងដែលប្រើប្រាស់ភាសាអេស្ប៉ាញជាភាសាប្រចាំតំបន់។ កាលពីកុមារភាពនាង និងគ្រួសារបានប្ដូរលំនៅទៅប្រទេស ម៉ិកស៊ីកូ។ លុះដល់វ័យ៥ឆ្នាំនាងទើបនាងផ្លាស់មកសហរដ្ឋអាមេរិក និងរៀនភាសាអង់គ្លេសតាមរយៈការមើលទូរទស្សន៍ និងតុក្កតា។

២ ជាអ្នកគាំទ្រស្មោះស្ម័គ្ររបស់ Harry Potter

Camila តែងតែគាំទ្ររឿង និងភាពយន្តចំណងជើងនេះ ហើយថែមទាំងធ្លាប់តែងខ្លួនជាតួអង្គ Harry Potter នៅថ្ងៃបុណ្យ Halloween កន្លងទៅទៀត។

៣ ធ្លាប់ងូតទឹកស្រាតនៅឆ្នេរសមុទ្ទ ព័រតូរីកូ

នេះជាអ្វីដែលសាមីខ្លួនបានបញ្ជាក់ពេលលេងល្បែង “Truth & Dare” ។

៤ មានឈ្មោះពិតថា Karla

នាងចូលចិត្តឲ្យគេហៅខ្លួនថា Camila តែឈ្មោះរបស់នាងគឺ Karla Camila Cabello Estrabao។

៥ ខួបគម្រប់១៨ឆ្នាំរបស់នាង រៀបចំដោយ Taylor Swift

ពិធីជប់លៀងបានធ្វើឡើងដោយ Taylor Swift រួមជាមួយម្ហូបមកភោជនីយដ្ឋានដែល Camila ចូលចិត្ត។ តារាចម្រៀងវ័យក្មេងបានប្រាប់ MTV news ថា៖ "ពេលកំពុងលេងសារជាមួយគ្នា Taylor សួរថា៖ "តើខ្ញុំនឹងធ្វើអ្វីនាថ្ងៃកំណើត? ពេលនោះខ្ញុំមិនបានធ្វើអ្វីទេ គ្រាន់តែញ៉ាំអាហារជាមួយគ្រួសារប៉ុណ្ណោះ" ។ ពេលនោះ Tay តបថា "តោះ អ្នកមិនធ្វើអ្វី ខ្ញុំក៏មិនធ្វើអ្វីដែរ ខ្ញុំនឹងទៅផ្ទះរបស់អ្នក" ។

៦ ចូលចិត្តដូងបំផុត

៧ ចូលចិត្តបាល់ទាត់

ជារឿងៗ Camila តែងតែគាំទ្រក្រុមកីឡាបាល់ទាត់មកពីប្រេស៊ីល

៨ មានឪពុកម្ដាយដ៏តឹងរឹងខ្លាំង

មានម្ដងក្នុងឆ្នាំ២០១៦ ក្រោយកម្មវិធី Grammy Awards បញ្ចប់ នាងបានភ្លេចទូរសព្ទក្នុងរថយន្ត ហើយចេញក្រៅជាមួយ Taylor Swift រហូតដល់ម៉ោង៦ព្រឹកទើបត្រឡប់មកវិញ។ គ្រានោះឪពុកម្ដាយនាងខឹងសម្បាយ៉ាងខ្លាំង។

៩ ចូលចិត្តហក់លោត

រាល់ពេលសម្ដែង និងហាត់សម ជាញឹកញយ Camila រាំហក់លោតខ្លាំងៗ ហាក់ដូចជានាងមិនចូលចិត្តឲ្យប្រអប់ជើងខ្លួនជាប់នឹងដី។

១០ ចម្រៀងដែលចូលចិត្ត

មុនចូលគេងជារៀងរាល់យប់ នាងតែស្ដាប់បទ "Earned It" ច្រៀងដោយ The Weekend "All The Time" ច្រៀងដោយ Jeremih និង "It's You" របស់ Zayn Malik។

១១ លើកទី១ដែលពាក់ស្បែកជើងកែងចោត

ជាចំណុចដ៏គួរឲ្យភ្ញាក់ផ្អើល១ ពេលដែលឃើញ Camila ពាក់ស្បែកជើងកែងចោតលើកដំបូងក្នុងវ័យ១៥ឆ្នាំបង្ហាញខ្លួននៅកម្មវិធី X Factor។ គ្រានោះនាងមើលទៅប្រៀបដូចស្ត្រីខ្លាំងពោរពេញដោយទំនុកចិត្ត មិនសមនឹងវ័យក្មេងខ្ចីរបស់នាងឡើយ។

១២ ចូលចិត្តតាមដានប្រវត្តិសាស្ត្រ

ចំណូលចិត្តនេះកើតឡើងដោយសា ជីតាទួតរបស់នាងត្រូវបានរកឃើញជាមួយ មេដឹកនាំ Emiliazo Zapata ក្នុងបដិវត្តម៉ិកស៊ីកូអំឡុងទសវត្សរ៍ឆ្នាំ១៩៩០។

១៣ មូលហេតុព្យាយាមបង្កើនសមត្ថភាពលេងហ្គីតា

Camila ទម្លាយថា នាងធ្លាប់រៀនលេងហ្គីតាដើម្បីបានផឹកស្រា១កែវ ហើយពេលនេះនាងមានមោទនភាពនឹងស្រា១កែវនោះខ្លាំងណាស់។

១៤ ងប់ងុលនឹងសៀវភៅ

សៀវភៅដែលនាងចូលចិត្តអានជាងគេ គឺ "The Book Thief" ដោយអ្នកនិពន្ធ Markus Zusak។ ជាក្មេងស្រីគួរឲ្យស្រឡាញ់មែន តែ Camila មិនចូលចិត្តអានប្រលោមលោកស្នេហាឡើយ។

១៥ មិនធ្វើពិធីជប់លៀងពេលគ្រប់វ័យ១៥ឆ្នាំ

ទំនៀមរបស់អ្នករស់នៅអាមេរិកឡាទីន គឺធ្វើពិធីជប់លៀងធំ១ ហៅថា "quinceañera" សម្រាប់កូនស្រីនៅពេលនាងគ្រប់វ័យ១៥ឆ្នាំ ។ ផ្ទុយទៅម្ដាយរបស់ស្រីស្អាតខាងលើបញ្ជាក់ថា នាងបានសុំម្ដាយមិនធ្វើកម្មវិធីនេះ ហើយដោះដូរសុំទៅប្រលងនៅកម្មវិធី X Factor រហូតបានជាប់និងក្លាយជាសមាជិកម្នាក់របស់ក្រុមចម្រៀង Fifth Harmony៕

ប្រភព៖ Kenh14 ប្រែសម្រួល៖ សុខណា