មកស្គាល់អ្នកបណ្ដាក់ទុនលើ Bitcoin ដែលរកបាន ២០០០ ដុល្លារ/ថ្ងៃ
- 2018-01-27 09:32:50
- ចំនួនមតិ 0 | ចំនួនចែករំលែក 0
មកស្គាល់អ្នកបណ្ដាក់ទុនលើ Bitcoin ដែលរកបាន ២០០០ ដុល្លារ/ថ្ងៃ
ចន្លោះមិនឃើញ
បុរសពីររូបដែលជាសម្លាញ់នឹងគ្នា និងទើបចាប់ផ្ដើមលូកដៃចូលទីផ្សាររូបិយប័ណ្ណអេឡិចត្រូនិកកាលពីប៉ុន្មានខែមុន ពេលនេះទទួលបានជោគជ័យដោយអាចរកចំណូលបាន ២ ០០០ ដុល្លារក្នុងមួយថ្ងៃ។
សម្លាញ់ទាំងពីរមានម្នាក់ឈ្មោះ Daniel Colosi វ័យ ៣១ ឆ្នាំ និង Stephen Lenoci វ័យ ៣៤ ឆ្នាំ ដោយពួកគេចាប់ផ្ដើមការជួញដូរនៅពេលមានដើមត្រឹមតែ ៥ ០០០ ដុល្លារប៉ុណ្ណោះ។ មុននឹងសម្រេចចិត្តធ្វើការជួញដូររូបិយប័ណ្ណអេឡិចត្រូនិកពួកគេបានចំណាយពេលតាមដានទីផ្សារនេះមួយរយៈ។ ប៉ុន្តែក្រោយពីបានជួបនឹងមិត្តភ័ក្ដិជាសេដ្ឋីដែលមានកាន់កាប់ Bitcoin ដល់ទៅ ១ ០០០ ឯកតា ពួកគេក៏បានសម្រេចលូកដៃក្នុងជំនួញអនឡាញនេះ។
ទទួលបានជោគជ័យខ្លាំងពីការបណ្ដាក់ទុនរបស់ខ្លួន រហូតនាំឲ្យដៃគូនេះបោះបង់ចោលការងាររបស់ខ្លួននៅតំបន់រ៉ែភាគខាងលិចប្រទេសអូស្ត្រាលី ដើម្បីផ្ដោតលើជីវិតថ្មីរបស់ពួកគេ។ បច្ចុប្បន្ននេះ Daniel និង Stephen មានកាន់កាប់ Bitcoin រួមគ្នាចំនួន ១០ ឯកតា និងអាចរកបាន ២ ០០០ ដុល្លារក្នុងមួយថ្ងៃ ហើយថែមទាំងបាននិយាយថាមុនដាច់ឆ្នាំ ២០១៨ ពួកគេនឹងក្លាយជាសេដ្ឋី Bitcoin។
ត្បិតថាបច្ចុប្បន្ននេះតម្លៃ Bitcoin បានធ្លាក់ចុះមកនៅត្រឹមខ្ទង់ ១១ ០០០ ដុល្លារ ប៉ុន្តែសម្លាញ់ទាំងពីរខាងលើ រួមទាំងអ្នកជំនាញមួយចំនួនបានព្យាករណ៍ថាវាអាចនឹងហក់ដល់ ៨០ ០០០ ដុល្លារ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
