Apple ប្រើសុទ្ធតែភ្លេងកប់ៗ ផ្សាយពី Speaker ឆ្លាតរបស់ខ្លួន

2018-01-29 02:16:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានចាប់ផ្ដើមបញ្ចេញវីដេអូស្ប៉តជាច្រើន ដើម្បីផ្សព្វផ្សាយអំពី HomePod ដែលគ្រោងចេញជាផ្លូវការនៅថ្ងៃទី ៩ ខែកុម្ភៈខាងមុខ លក់ក្នុងតម្លៃ ៣៤៩ ដុល្លារ។

វីដេអូស្ប៉តមានដល់ទៅ ៤ ដែលមានប្រើប្រាស់សំឡេងពីរោះខុសៗពីគ្នា ដោយចង់បង្អួតថាឧបករណ៍បំពងសំឡេង HomePod អាចបញ្ចេញសំឡេងបានពីរោះរណ្ដំ។ Apple ក៏បានបង្ហាញថាឧបករណ៍នេះមានដាក់ឲ្យកុម្ម៉ង់ទិញ មុននឹងដាក់លក់ជាផ្លូវការនៅសហរដ្ឋអាមេរិក ចក្រភពអង់គ្លេស និង ប្រទេសអូស្ត្រាលី។

ក្នុងវីដេអូទាំង ៤ មានប្រើប្រាស់បទចម្រៀង Ain't I របស់ Lizzo, បទ DNA របស់ Kendrick Lamar, បទ Holy Water របស់ Hembree និងបទ All Night របស់ Big Boi។

HomePod ជាឧបករណ៍បំពងសំឡេងដែលអាចចាក់ចម្រៀងក្នុងកម្មវិធី Apple Music បាន, មាន Siri, អាចផ្ញើសារ, អាចកំណត់ម៉ោង (Timer), ឆែកព័ត៌មាន, អាចគ្រប់គ្រងសម្ភារៈឆ្លាតវៃដទៃទៀតក្នុងផ្ទះ និងអាចបំពេញការងារជាច្រើនទៀត ដោយមិនត្រូវការ iPhone៕

ប្រភព៖ macrumors ប្រែសម្រួល៖ សុខហេង