កុំភ្លេចណា! ស្អែករង់ចាំមើលព្រះចន្ទពេញវង់ Super Blue Blood Moon កម្រកើតមានបំផុត

2018-01-30 04:13:43
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃពុធ ទី៣១ ខែមករា ឆ្នាំ២០១៨ នេះ មនុស្សនៅទូទាំងពិភពលោកនឹងអាចមើលឃើញ ព្រះចន្ទពេញវង់ Super Blue Blood Moon។

ដើម្បីយល់ពីព្រឹត្តិការណ៍ដ៏អស្ចារ្យនេះកាន់តែច្បាស់ អ្នកត្រូវដឹងពីអ្វីដែលកំពុងកើតឡើងសិន។ ព្រឹត្តិការណ៍ដ៏កម្រទាំង ៣ នោះមានដូចជា៖

Blue Moon ៖ ជាព្រះចន្ទពេញវង់ទី ២ ដែលកើតឡើងអំឡុងពេលមួយខែ ហើយវាកើតមានរយៈពេល ២,៧ ឆ្នាំម្ដង។
Supermoon ៖ ជាព្រះចន្ទពេញវង់ ដែលរំកិលមកជិតផែនដីបំផុត ធ្វើឲ្យវាធំ និងភ្លឺជាងមុន ១៤ ភាគរយ ហើយកើតឡើងរៀងរាល់ ១៤ ខែម្ដង។
Blood Moon ៖ ជាចន្ទគ្រាស ដែលកើតឡើង ២ ដងក្នុងមួយឆ្នាំ នៅពេលដែលព្រះចន្ទឆ្លងកាត់ស្រមោលផែនដី។

ព្រឹត្តិការណ៍ទាំង ៣ នេះធ្លាប់បានកើតឡើងក្នុងពេលតែមួយម្ដង គឺនៅឆ្នាំ ១៨៦៦ បង្កើតបានជា ព្រះចន្ទពេញវង់ Super Blue Blood Moon។

ទូរទស្សន៍ NASA គ្រោងនឹងចាក់ផ្សាយបន្តផ្ទាល់ព្រឹត្តិការណ៍ដ៏កម្រនេះ នៅវេលាម៉ោង ៥ និង ៣០ នាទីព្រឹក ម៉ោងនៅភាគខាងកើត ត្រូវនឹងម៉ោង ៥ និង ៣០ នាទីល្ងាច ម៉ោងនៅកម្ពុជា តទៅ។

គួរបញ្ជាក់ថា ព្រះចន្ទពេញវង់ Super Blue Blood Moon នឹងកើតឡើងនៅវេលាម៉ោង ៥ និង ៥១ នាទីព្រឹក ម៉ោងនៅភាគខាងកើត ឬ ៥ និង ៥១ នាទីល្ងាច ម៉ោងនៅកម្ពុជា៕

ប្រភព៖ Space | NASA ប្រែសម្រួល៖ សេង ឡុង