Van Gaal ចង់យក Nani មកវិញហើយ
- 2014-11-12 17:29:32
- ចំនួនមតិ 0 | ចំនួនចែករំលែក 0
Van Gaal ចង់យក Nani មកវិញហើយ
ចន្លោះមិនឃើញ
យោងតាមប្រភពពី Daily Star បានឲ្យដឹងថាអ្នកចាត់ការក្រុមបិសាចក្រហម Manchester United លោក Louis van Gaal មានបំណងចង់ហៅ Nani ឲ្យត្រលប់មកកាន់ Old Traford វិញបន្ទាប់ពីឲ្យក្លិប Sporting Lisbon ខ្ចីជើង។
យ៉ាងណាក្ដី ប្រភពដដែលបានបញ្ជាក់ដែរថាកីឡាករព័រទុយហ្គាល់រូបនេះ មិនទាន់ដឹងថាខ្លួនអាចត្រលប់រកទ្រនំដើមវិញឬយ៉ាងណានោះទេ។
Nani បាននិយាយថា៖ "ខ្ញុំគិតថា ក្នុងកិច្ចសន្យាខ្ចីជើងនោះ មិនមានការបញ្ជាក់ពីការវិលត្រលប់វិញនាពាក់កណ្ដាលរដូវកាលនោះទេ ដូច្នេះទុកឲ្យគេដោះស្រាយចុះ។ ប្រសិនបើក្លិបនាំខ្ញុំទៅវិញ មានន័យថាពួកគេឃើញខ្ញុំលេងបានល្អ ហើយអាចក្លាយជាធនធានដ៏សំខាន់សម្រាប់ក្លិប"។
កីឡាករវ័យ២៧ឆ្នាំបានបន្តទៀតថា៖ "បាល់ទាត់គឺអញ្ចឹងហើយ ពេលខ្លះយើងត្រូវបានលើកសរសើរ ហើយពេលខ្លះទៀតត្រូវបានគេបង្អាប់។ ខ្ញុំមិនចង់បែកអារម្មណ៍ទៅគិតរឿងផ្សេងនោះទេ។ ខ្ញុំគ្រាន់តែចង់បន្តលេងឲ្យល្អ ហើយថ្ងៃមុខយ៉ាងនឹងដឹងថាមានអ្វីកើតឡើង"។
បន្ទាប់ពីទៅត្រូវ Sporting Lisbon ខ្ចីជើង Nani អាចរកគ្រាប់បាល់បាល់បាន២គ្រាប់ ក្នុង៩ប្រកួត។ មុនលេងឲ្យ Man Utd តាំងពីឆ្នាំ២០០៧ កីឡាករជម្រើសជាតិព័រទុយហ្គាល់រូបនេះ ធ្លាប់លេងឲ្យ Sporting តាំងក្នុងឈុតយុវជននាឆ្នាំ២០០៣ មុនឈានចូលឈុតធំនាឆ្នាំ២០០៥ រហូតឆ្នាំ២០០៧។
ម៉េចដែរ អ្នកគាំទ្របិសាចក្រហម ចង់ឲ្យ Nani វិលត្រលប់វិញឬអត់?
ប្រែសម្រួល៖ អូន សៅណាត
ប្រភព៖ Daily Star