ម្ចាស់ iPhone X រាប់រយនាក់កំពុងកើតទុក្ខ ទូរសព្ទតម្លៃ ១ ពាន់ដុល្លារប៉ុន្តែលើកទូរសព្ទមិនកើត

2018-02-05 02:35:18
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកប្រើប្រាស់ iPhone X មិនតិចនាក់ទេ បានរាយការណ៍អំពីបញ្ហាមួយលើស្មាតហ្វូនតម្លៃ ១ ពាន់ដុល្លារនេះ ដែលមិនអាចឲ្យពួកគេទទួលការហៅចូលបាន។

បញ្ហាទំនងជាកើតមានឡើងដោយសារតែមានការហៅចូលបាន ៦ ទៅ ១០ វិនាទី ទើបអេក្រង់ iPhone X ចាប់ផ្ដើមភ្លឺ ហើយអ្នកប្រើប្រាស់មិនអាចប្រើប៊ូតុងទទួល ឬ មិនទទួលការហៅ (Accept and Decline) ចូលបាន។

រូបភាពពីអ្នកប្រើប្រាស់នៅកម្ពុជា

គិតត្រឹមថ្ងៃទី ៤ ខែកុម្ភៈនេះមានអ្នកប្រើប្រាស់ iPhone X ជាង ៨០០ នាក់បានរាយការណ៍ពីបញ្ហានេះនៅលើវិបសាយ Support របស់ Apple។ បញ្ហាមិនអាចទទួលការហៅចូលបាននេះ កើតមានឡើងតាំងពីធ្នូ ឆ្នាំ ២០១៧ ហើយទោះបីជាធ្វើការ Reset ទូរសព្ទក៏មិនអាចដោះស្រាយបានដែរ។

ផ្អែកតាមសារព័ត៌មាន Financial Times ឲ្យដឹងថា Apple កំពុងធ្វើការស៊ើបអង្កេតលើបញ្ហានេះ ប៉ុន្តែខណៈនេះគេមិនអាចនិយាយថាបញ្ហានេះកើតឡើងដោយសារអ្វី និងមិនដឹងថាអាចដោះស្រាយបាននៅពេលណានោះទេ៕

វីដេអបង្ហាញអំពិការ Delay បង្ហាញផ្ទាំងហៅចូល ៖