មកស្គាល់មនុស្ស ១៣ នាក់ ប្រមូលវត្ថុចម្លែកៗបំផុត ទុកពេញផ្ទះ
- 2018-02-06 08:18:47
- ចំនួនមតិ 0 | ចំនួនចែករំលែក 0
មកស្គាល់មនុស្ស ១៣ នាក់ ប្រមូលវត្ថុចម្លែកៗបំផុត ទុកពេញផ្ទះ
ចន្លោះមិនឃើញ
នៅលើពិភពលោកយើងនេះមានរបស់ជាច្រើន ដែលមនុស្សមួយចំនួនគិតថាចម្លែក ប៉ុន្តែមនុស្សមួយចំនួនទៀតមិនគិតដូច្នោះទេ។ យើងម្នាក់ៗ តែងតែមានការស្រលាញ់របស់មួយផ្សេងៗគ្នា ហើយខ្លះបានចំណាយប្រាក់ទៅលើវាទៀតផង។
ខាងក្រោមនេះគឺជាមនុស្ស ១៣ នាក់ ដែលចូលចិត្តប្រមូលវត្ថុចម្លែកៗបំផុតយកមកទុកពេញផ្ទះរបស់ពួកគេតែម្តង៕
១. ប្រដាប់អេះខ្នង
គ្រូពេទ្យជំនាញខាងស្បែកមួយរូបឈ្មោះ Manfred S. Rothstein រស់នៅរដ្ឋកាលីហ្វរញ៉ាខាងជើង មានប្រដាប់អេះខ្នងរហូតទៅដល់ ៦៧៥ ដែលលោកប្រមូលមកពី ៧១ ប្រទេសផ្សេងៗគ្នា។
២. តុក្កតា Winnie The Pooh
ស្ត្រីម្នាក់ឈ្មោះ Deb Hoffmann មានតុក្កតា Winnie The Pooh រហូតទៅដល់ជាង ១ ម៉ឺនតុក្កតា។
៣. កែវស្រាបៀរ
បុរសម្នាក់ឈ្មោះ Heinrich Kath ដែលរស់នៅប្រទេស អាល្លឺម៉ង់ មានកែវស្រាបៀររហូតដល់ជាង ២ ម៉ឺនកែវនៅក្នុងផ្ទះ។
៤. កោណចរាចរណ៏
លោក David Morgan បានប្រមូលកោណចរាចរណ៍ពិសេសចំនួន ១៣៧។
៥. តុក្កតា កូនក្រមុំ
អ្នកស្រី Bettina Dorfman's មានតុក្កតាកូនក្រមុំចំនួន ៦ ០២៥ តុក្កតា និងមានតម្លៃរហូតជាង ១៥ ម៉ឺនដុល្លារ។
៦. ស្លាក "ហាមរំខាន" នៅសណ្ឋាគារ
លោក Jean-François Vernetti បានប្រមូលស្លាក "ហាមរំខាន" រហូតដល់ទៅ ១១ ១១១ ពីសណ្ឋាគារជាច្រើនកន្លែងនៅជុំវិញពិភពលោក។
៧. ដុំសាប៊ូ
ស្ត្រីជនជាតិអង់គ្លេសវ័យ ៦៥ ឆ្នាំម្នាក់ឈ្មោះ Carol Vaugn បានប្រមូលដុំសាប៊ូច្រើនជាង ៥ ០០០ ដុំមកពីគ្រប់ប្រទេសជុំវិញពិភពលោក។
៨. តុក្កតា Troll
អ្នកស្រី Sherry Groom មានតុក្កតា Troll រហូតដល់ជាង ៣ ៥០០ តុក្កតា។
៩. ទឹកម្ទេស
លោក Vic Clinco បានប្រមូលទឹកម្ទេសជាង ៦ ០០០ ដបមកពីជុំវិញពិភពលោក ហើយក្នុងនោះក៏មានទឹកម្ទេសហឹរជាងគេបំផុតក្នុងលោកផងដែរ។
១០. ក្ដារស្គីលើទឹក
លោក Donald Dettlof បានប្រមូលក្ដារស្គីលើទឹកជាង ៦៤៧ ខុសៗគ្នាពេញមួយជីវិតរបស់លោក។
១១. តុក្កតា Pokemon
អ្នកស្រី Lisa Courtney រស់នៅចក្រភពអង់គ្លេស បានប្រមូលតុក្កតា Pokemon ចំនួនជាង ១៦ ០០០ តុក្កតា។
១២. បៀរខ្មោច
អ្នកលេងសៀកជនជាតិ អ៊ីតាលី ម្នាក់ឈ្មោះ Tony De Santis បានប្រមូលបៀរខ្មោចច្រើនជាងគេបំផុតចំនួន ៨ ៥២០ សន្លឹក។
១៣. កូនក្រមុំក្រដាស
អ្នកស្រី Malin Fritzell បានប្រមូលកូនក្រមុំក្រដាសជាង ៤ ៧២០ ចាប់តាំងពីឆ្នាំ ១៩៦០៕
ចុចអាន ៖
១២ សន្លឹក ថតព្រះចន្ទ Super Blue Blood Moon ស្អាតបំផុតជុំវិញពិភពលោក
រូបថត ត្រាំ ស្រែកលើគំនរកាសែត ត្រូវគេយកទៅកាត់ត ឃើញហើយសើចចុកពោះ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
