Conte ឲ្យកីឡាករ Chelsea សម្រាក៣ថ្ងៃមិនបាច់មកហាត់ ក្រោយចាញ់ផ្ទួនៗ

2018-02-07 04:51:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Antonio Conte បានអនុញ្ញាតឲ្យកីឡាករ Chelsea ទាំងអស់សម្រាករយៈពេល៣ថ្ងៃ បន្ទាប់ពីបរាជ័យផ្ទួននៅក្នុងលីគ ជាពិសេសចាញ់ចុងក្រោយក្រោមស្នៀត Watford ៤-១ កាលពីថ្ងៃច័ន្ទ។

កីឡាករតោខៀវទាំងអស់ទទួលបានការសម្រាកនៅពាក់កណ្ដាលសប្ដាហ៍យ៉ាងកម្រ រហូតដល់ច័ន្ទសប្ដាហ៍ក្រោយ ពេលពួកគេជួប West Bromwich Albion ក្នុង Premier League បន្តទៀត។ កន្លងទៅក៏មានកីឡាករ Chelsea មួយចំនួនបានចេញមកតវ៉ាអំពីការលេងនិងហ្វឹកហាត់លើសកម្រិតពេក ក្រោមការគ្រប់គ្រងរបស់ Conte។

ការសម្រេចចិត្តឲ្យឈប់សម្រាកនេះគឺដើម្បីប្ដូរបរិយាកាសរវាងគ្រូនិងកីឡាករឲ្យមានទំនាក់ទំនងល្អឡើងវិញ។ ចំពោះបរាជ័យញឹកញយ និងបញ្ហាជាមួយកីឡាករក្នុងក្លឹប តំណែងរបស់ Conte ពេលនេះកំពុងមានភាពរង្គោះរង្គើ។ តាមការវិភាគផ្សេងៗអតីតអ្នកចាត់ការក្លឹប Barcelona លោក Luis Enrique គឺជាបេក្ខភាពជួរមុខដែលអាចនឹងមកជំនួស Conte៕