Samsung អាចនឹងប្រកាសចេញ S9/S9+ ជាមួយឧបករណ៍ដ៏ពិសេសមួយ

2018-02-10 02:47:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅឆ្នាំ ២០១៨ នេះ Samsung គ្រោងនឹងផលិតឧបករណ៍ពិសេសមួយទៀត សម្រាប់ជំនួស Dex Dock ដែលមិនសូវទទួលបានជោគជ័យកាលពីឆ្នាំមុន ប្តូរមកដាក់ឈ្មោះថា Dex Pad។ ដែលលេចធ្លាយពីលោក Evan Blass អ្នកចែកចាយដំណឹងលេចធ្លាយដ៏ល្បីមួយ។

Dex Pad

**Dex Pad ជាឧបករណ៍សម្រាប់ជំនួយអ្នកប្រើប្រាស់ Galaxy S9 ឬ S9+ ដើម្បីបញ្ជាភ្ជាប់ទៅកាន់កុំព្យូទ័រពិសេសជាង បើធៀបទៅនឹង Dex Dock។**

ឧបករណ៍ជំនួយថ្មីនេះ មានរន្ធសម្រាប់ដោតច្រើនផតដូចជា រន្ធ HDMI, USB-A, USB-C និងរន្ធដោតកាសប្រវែង ៣.៥ មីលីម៉ែត្រផងដែរ។ ចំពោះតម្លៃរបស់វា នៅមិនទាន់ដឹងនៅឡើយទេ។

កន្លងមកបុគ្គលល្បីរូបនេះក៏បានបង្ហើបឲ្យដឹងពីជម្រើសពណ៌ទាំង ៤ របស់ Galaxy S9 និង S9+ ផងដែរដែលមានដូចជាពណ៌ ជម្រើសពណ៌ Galaxy S9/S9+ មាន Midnight Black (ពណ៌ខ្មៅ), Lilac Purple (ពណ៌ស្វាយ), Titanium Gray (ពណ៌ប្រផេះ) និង Coral Blue (ពណ៌ទឹកសមុទ្រ)។

រីឯថ្ងៃប្រកាសចេញ S9/S9+ ជាផ្លូវការខ្ទង់ថ្ងៃទី ថ្ងៃទី ២៥ ខែកុម្ភៈខាងមុខនេះជាមួយនឹងតម្លៃអាចថ្លៃជាងជំនាន់ S8/S8+ បន្តិចពោលគឺ S9 នឹងថ្លៃចន្លោះពី ៩៥០ ០០០ ដល់ ៩៩៩ ០០០ វ៉ន់ (៨៩០-៩៣៥ ដុល្លារ)។