នេះជាហេតុផលញ៉ាំតែក្តៅ ប្រឈមនឹងជំងឺមហារីក
- 2018-02-11 09:45:12
- ចំនួនមតិ 0 | ចំនួនចែករំលែក 0
នេះជាហេតុផលញ៉ាំតែក្តៅ ប្រឈមនឹងជំងឺមហារីក
ចន្លោះមិនឃើញ
ការជក់បារី និងផឹកស្រាច្រើនពេកនឹងបង្កើនហានិភ័យនៃការវិវត្តទៅជាជំងឺមហារីកបំពង់អាហារ ដែលនឹងជះឥទ្ធិពលដល់បំពង់ដែលភ្ជាប់បំពង់កទៅនឹងក្រពះ។ របាយការណ៍សិក្សាថ្មីមួយដ៏គួរឲ្យភ្ញាក់ផ្អើលមួយដែលទើបចុះផ្សាយដោយ Time ជាប់ទាក់ទងនឹងជំងឺមហារីក គឺថា ការពិសាទឹកតែ ប្រសិនបើអ្នកជាអ្នកជក់បារី និងញ៉ាំស្រាទៀត នោះនឹងបង្កើនហានិភ័យដែលនាំឲ្យកើតជំងឺមហារីកទ្វេដង។
របាយការណ៍សិក្សាខាងលើ ដែលប្រើពេលអង្កេត៩ឆ្នាំ ទៅលើក្រុមមនុស្សដែលមានវ័យចន្លោះ ៣០ ដល់ ៧៩ ឆ្នាំ បង្ហាញថាមនុស្ស ១ ៧០០ នាក់ក្នុងចំណោម ៤៥៦ ០០០ បានកើតជំងឺមហារីក បន្ទាប់ពីពួកគេញ៉ាំតែ ពិសាស្រា និង បារី។
មិនត្រឹមតែប៉ុណ្ណោះ របាយការណ៍របស់អង្គការសុខភាពពិភពលោកកាលពីឆ្នាំ២០១៦ ក៏បានបង្ហាញថាការញ៉ាំភេសជ្ជៈក្តៅពេក លើសពី ៦៥ អង្សារសេ ក៏អាចបង្កហានិភ័យងាយកើតជំងឺមហារីកផងដែរ។
ប្រភពខាងលើបន្ថែមថា ប្រសិនបើលោកអ្នកជាអ្នកពិសាស្រា និងបារី គួរកុំញ៉ាំតែក្តៅ ឬក្តៅលើសសីតុណ្ហភាព ដើម្បីចៀសវាងការប្រឈមជំងឺមហារីកកាន់តែឆាប់រហ័សដល់សុខភាពរាងកាយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
