ដ្រូនអ្នកដំណើរ មនុស្សធម្មតាក៏អាចបើកបាន សាកល្បងហោះដោយជោគជ័យ (វីដេអូ)
- 2018-02-11 08:32:26
- ចំនួនមតិ 0 | ចំនួនចែករំលែក 0
ដ្រូនអ្នកដំណើរ មនុស្សធម្មតាក៏អាចបើកបាន សាកល្បងហោះដោយជោគជ័យ (វីដេអូ)
ចន្លោះមិនឃើញ
អ្នកជំនាញយន្តហោះដ្រូនឆ្លាតរបស់ក្រុមហ៊ុន EHang Inc បានបញ្ចេញវីដេអូអំពីការធ្វើតេស្តហោះហើរលើកដំបូងរបស់យន្តដ្រូនដឹកអ្នកដំណើរ EHang 184 កាលពីថ្ងៃដើមសប្ដាហ៍កន្លងទៅ។
នាយកប្រតិបត្តិក្រុមហ៊ុន EHang លោក ហ៊ូ ហួជី (Hu Huazhi) បានជិះដោយផ្ទាល់ក្នុងការសាកល្បងយន្តហោះឥតមនុស្សបើកនេះនៅក្វាងចូវដើម្បីបង្ហាញថា យន្តហោះស្លាបចក្រច្រើននេះមានសុវត្ថិភាព។ អំឡុងពេលហោះហើរជាសាធារណៈលើកដំបូងនេះ លោកហួជី បានចូលទៅអង្គុយក្នុងកាប៊ីនតូចរបស់យន្តហោះដ្រូន និងដាក់ខ្សែក្រវាត់ចង្កេះ បន្ទាប់មកប្រព័ន្ធហោះហើរដោយស្វ័យប្រវត្តិនេះបានជួយលើកគាត់ហោះចេញដំណើរតែម្តង។
យោងតាមរបាយការណ៍នានាបានឱ្យដឹងថា យន្តហោះដ្រូនដឹកអ្នកដំណើរធុន EHANG 184 នេះដំណើរការដោយប្រើអាគុយអគ្គិសនី ហើយវាអាចដឹកមនុស្សម្នាក់ដែលមានទម្ងន់រហូតដល់ ១០០ គីឡូក្រាមក្នុងមួយជើងៗ។ យន្ដហោះនេះអាចហោះហើរនៅរយៈកម្ពស់ ៥០០ ម៉ែត្រនិងហោះហើរក្នុងល្បឿនអតិបរមា ១០០ គីឡូម៉ែត្រក្នុងមួយម៉ោង ដោយហោះបាន ២៥ នាទី។
ក្រុមហ៊ុនផលិតយន្តហោះចិននេះបានអះអាងថាយន្ដហោះគ្មានអ្នកបើកបរនេះអាចទប់ទល់នឹងខ្យល់ដែលមានល្បឿនរហូតដល់ទៅ ៥០ គីឡូម៉ែត្រក្នុងមួយម៉ោង។
កាលពីឆ្នាំ ២០១៧ ទីក្រុងឌូបៃបានប្រកាសផែនការមួយដើម្បីសហការជាមួយក្រុមហ៊ុន EHang ដើម្បីអភិវឌ្ឍតាក់ស៊ីហោះដោយស្វ័យប្រវត្តិសម្រាប់ដឹកមនុស្សនៅទូទាំងទីក្រុង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
