ផ្សារហ៊ុនអ៊ីតាលីត្រូវពួក Hacker ធ្វើស៊ីអស់ ១៧០ លានដុល្លារ

2018-02-11 08:58:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្សារហ៊ុនរូបិយប័ណ្ណអេឡិចត្រូនិកអ៊ីតាលីមួយឈ្មោះ BitBrail បានបាត់បង់ថវិកា ១៧០ លានដុល្លារ គិតជារូបិយប័ណ្ណអេឡិចត្រូនិកឈ្មោះ Nanoក្រោយរងការវាយប្រហារពីពួកឧក្រិដ្ឋជនអ៊ីនធឺណិត។

រូបតំណាង

BitGrail ជាផ្សារហ៊ុនទីពីរដែលបាត់បង់ថវិកាជាច្រើននៅក្នុងឆ្នាំនេះ ដោយកាលពីខែមករាកន្លងទៅផ្សារហ៊ុនរបស់ជប៉ុនឈ្មោះ [Coincheck បានបាត់បង់ថវិកាប្រមាណ ៤០០ ទៅ ៥៣៤ លានដុល្លារគិតជាប្រភេទរូបិយប័ណ្ណអេឡិចត្រូនិក](http://news.sabay.com.kh/article/1011934#utm_campaign=onpage "")។

ប្រធានផ្សារហ៊ុន Coincheck

ផ្សារហ៊ុនអ៊ីតាលីមួយនេះបានប្រកាសពីការបាត់បង់ថវិកា ១៧០ លានដុល្លារនេះនៅលើវិបសាយរបស់ខ្លួន និងបានរាយការណ៍ដល់សមត្ថកិច្ចផងដែរ។ យ៉ាងណាក្ដីលោក Francesco ស្ថាបនិកផ្សារហ៊ុន BitGrail ប្រកាសថាគ្មានវិធីណាដែលគេអាចបង្វិលសងអ្នកប្រើប្រាស់បាន ១០០% នៃថវិកាដែលបាត់នេះទេ ខុសពី Coincheck ដែលសន្យាថានឹងសងថវិកាដែលបាត់បង់ឲ្យអតិថិជនវិញទាំងអស់។

គួរដឹងថា Nano ជារូបិយប័ណ្ណអេឡិចត្រូនិកមួយដែលមិនសូវមានគេស្គាល់ច្រើនដូចជា Bitcoin នោះទេ ប៉ុន្តែវាទទួលបានការពេញនិយមពីអ្នកបណ្ដាក់ទុននៅប្រទេសអ៊ីតាលី ហើយបច្ចុប្បន្ននេះមួយឯកតាមានតម្លៃប្រមាណ ៨ ដុល្លារ៕

ប្រភព៖ engadget ប្រែសម្រួល៖ សុខហេង