ប្រកាសដំណឹងស្នេហាមិនប៉ុន្មានផង Lee Joon ប្រុងបញ្ចប់ជីវិត?

2018-02-13 01:40:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីផ្ទុះព័ត៌មានស្នេហាជាមួយតារាសម្ដែង Jung So Min ពេលនេះ Lee Joon ជួបប្រទះរឿងថ្មីហើយ ហើយកាន់តែធ្វើឲ្យអ្នកគាំទ្រភ្ញាក់ផ្អើល ខណៈឮថាលោកប៉ុនប៉ងធ្វើអត្តឃាត។

បើតាមការផ្សព្វផ្សាយពីបណ្ដាញសារព័ត៌មានមួយបានប្រកាសឲ្យដឹងកាលពីពេលថ្មីៗនេះថា អតីតសមាជិកក្រុម MBLAQ Lee Joon បានប៉ុនប៉ងធ្វើអត្តឃាតដោយអារកដៃចំពោះមុខ មេបញ្ជាការយោធា ខណៈលោកកំពុងបំពេញកាតព្វកិច្ចក្នុងជួរកងទ័ព។ ព័ត៌មាននេះ បានបង្កការភ្ញាក់ផ្អើលជាខ្លាំងដល់អ្នកគាំទ្ររបស់លោក និងនាំគ្នាជ្រួលច្របល់គ្រប់គ្នា ព្រោះបារម្ភពីសុវត្ថិភាពរបស់លោក។

ជាការភ្ញាក់ផ្អើលមួយទៀតសម្រាប់ Lee Joon ពោលក្រោយដឹងពីរឿងនេះភ្លាម លោកដែលជាសាមីខ្លួនក៏បានច្រានចោលទាំងស្រុង ដែលថាលោកព្យាយាមសម្លាប់ខ្លួនក្នុងជួរទាហាន។ ចំណែកខាងផលិតកម្ម Prain TPC ដែលជាផលិតកម្មលោកជ្រកកោន ក៏បានអះអាងដែរថា នោះជាព័ត៌មានមិនពិត ហើយមិនថាតែអ្នកគាំទ្រទេ សូម្បីគ្រួសាររបស់អតីតសមាជិកក្រុម MBLAQ នេះក៏ភ្ញាក់បះសក់ដែរ។

ជាការពិត Lee Joon បានចូលបម្រើក្នុងជួរទាហានកាលពីខែតុលា ឆ្នាំ ២០១៧ ហើយបើតាមថ្ងៃកំណត់ លោកនឹងត្រូវបញ្ចប់ការងារនេះនៅថ្ងៃទី ២៣ ខែកក្កដា ឆ្នាំ ២០១៩៕

ប្រភព៖ Soompi ប្រែសម្រួល៖ យី សុធារី