គូស្នេហ៍តារាសិង្ហបុរីទាំងនេះ រៀបគម្រោងហ៊ឹកហ៊ាក់ណាស់សម្រាប់ថ្ងៃបុណ្យនៃក្ដីស្រឡាញ់

2018-02-13 05:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃ ១៤ កុម្ភៈគឺជាថ្ងៃដ៏មានអត្ថន័យសម្រាប់មនុស្សគ្រប់រូប ដែលមានឱកាសបង្ហាញពីក្ដីស្រឡាញ់ ក៏ដូចជាការដឹងគុណចំពោះមនុស្សសំខាន់។ ដូចតារាប្រុសស្រីសិង្ហបុរីខាងក្រោម ពួកគេបានរៀបចំផែនការរួចជាស្រេច ដោយចំណាយពេលជាមួយមនុស្សជាទីស្រឡាញ់របស់ខ្លួន។

១. តារាសម្ដែង Jeremy Chan

ដោយសារខួបកំណើតប្រពន្ធរបស់លោក គឺតារាសម្ដែង Jesseca Liu ចំ ថ្ងៃ១៣ ខែកុម្ភៈ ហើយកៀកខ្លាំងនឹងថ្ងៃបុណ្យនៃក្ដីស្រឡាញ់។ ដូចនេះលោកគ្រោងរៀបចំពិធីពិសេសក្នុងថ្ងៃតែ១ ប៉ុន្តែលោកមិនអាចបង្ហើបបានទេ ថាគម្រោងអ្វីដែលលោកត្រៀមសម្រាប់ប្រពន្ធ ព្រោះកុំឲ្យបែកការ។

២. តារាសម្ដែង Pierre Png

កន្លងទៅជាច្រើនឆ្នាំ លោក និងប្រពន្ធតែងគិតថារាល់ថ្ងៃ គឺជាថ្ងៃបុណ្យនៃក្ដីស្រឡាញ់ ប៉ុន្តែដើម្បីធ្វើវាឲ្យកាន់តែពិសេស ឆ្នាំនេះពួកគេប្រហែលជាអាចអញ្ជើញគូស្នេហ៍ផ្សេងទៀត ដើម្បីមកអបអរថ្ងៃល្អនោះជាមួយខ្លួនដែរ។ មួយវិញទៀត សម្រាប់លោក ថ្ងៃបុណ្យនៃក្ដីស្រឡាញ់មិនមែនតែសម្រាប់គូស្នេហ៍ទេ មនុស្សម្នាក់ៗអាចចែកក្ដីស្រឡាញ់ទៅ កាន់អ្នកផ្សេងទៀត ដើម្បីជីវិតកាន់តែស្រស់បំព្រង។

៣. តារាសម្ដែង Jeffrey Xu

សម្រាប់តារាប្រុសរូបនេះ បាននិយាយថា ប្រសិនមានពេល លោកនឹងរៀបចំផ្ទះ និងអាហារមួយពេលយ៉ាងពិសេសសម្រាប់ Felicia Chin នៅផ្ទះរបស់នាង។ អាហារដែលលោកនឹងត្រៀម គឺជាម្ហូបដែល Felicia ចូលចិត្ត គ្រាន់តែថាលោកមិនដែលចម្អិនពីមុនមក ដូចនេះ Jeffrey ប្រហែលជាត្រូវហាត់ធ្វើឲ្យបានច្រើនដងមុនសិន មុនយកជាការ។

៤. តារាសម្ដែង Kate Pang

Kate នឹងធ្វើដំណើរទៅកោះតៃវ៉ាន់ ដើម្បីទៅផ្នូរយាយរបស់នាង រីឯ Andie ដែលជាស្វាមី និងកូនៗក៏ទៅជាមួយនាងដែរ។

៥. តារាសម្ដែង Shaun Chen

លោក និងភរិយាបានគិតរួចជាស្រេចថា នឹងប្រារព្ធថ្ងៃពិសេសនេះ ជាមួយគ្រួសារក្នុងប្រទេសម៉ាឡេស៊ី។ កាន់តែពិសេស គូស្នេហ៍ទាំង ២ប្រហែលជាត្រូវទុកកូនឲ្យអ្នកផ្សេងមើល១ពេលសិន ហើយពួកគេនឹងទៅញ៉ាំអាហារក្រោមពន្លឺភ្លើងទៀនដ៏សែនរ៉ូមែនទិក តែ២នាក់នៅក្រៅ។

៦. តារាសម្ដែង Xiang Yun និង Edmund Chen

តារាជើងចាស់ទាំង ២បាននិយាយថា ពួកគេមិនធ្វើអ្វីពិសេសចំថ្ងៃ ១៤ កុម្ភៈទេ ប៉ុន្តែកូនៗទៅវិញទេ ដែលជាអ្នកធ្វើអ្វីពិសេសឲ្យអ្នកទាំង ២ ដូចជាទិញកាដូ ឬអំណោយផ្សេងៗជាដើម។ មួយវិញទៀតថ្ងៃនោះដែរ ជាទូទៅមិនសូវជាពិសេសប៉ុន្មានទេសម្រាប់គូស្នេហ៍វ័យចំណាស់ដូច Xiang និង Edmund ប៉ុន្តែថ្ងៃខួបកំណើត និងខួបអាពាហ៍ពិពាហ៍ទៅវិញទេ ដែលសំខាន់សម្រាប់ពួកគេ៕

ប្រភព៖ entertainment.toggle ប្រែសម្រួល៖ យី សុធារី