ចង់មានអារម្មណ៍ថាត្រលប់ទៅអតីតកាលជាង ២៣០០ឆ្នាំមុន? ក្រុងបុរាណ Langzhong របស់ចិននឹងធ្វើឲ្យអ្នកមានអារម្មណ៍នេះ

2018-02-17 03:52:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រវត្តិវិទូជឿថារាជវង្សចិនដំបូងត្រូវបានបង្កើតឡើងនៅប្រហែល ២១០០ ឆ្នាំមុនគ.ស ខណៈដែលទីក្រុងបុរាណ៤ត្រូវបានគេចាត់ទុកថាចំណាស់ជាងគេ ដែលរួមមាន៖ Pingyao នៅខេត្ត សានស៊ី ( Shanxi) ភាគខាងជើង Lijiang នៅខេត្ត Yunnan នៅភាគនិរតី Huizhou នៅភូមិភាគខាងកើត និង ទីក្រុង Langzhong នៅខេត្តស៊ីឈួន ភាគខាងលិច។

ក្នុងចំណោមទីក្រុងទាំង៤ទីក្រុង Langzhong អតីតទឹកដីរបស់លីវ ប៉ី ក្នុងរឿងសាមកុក ត្រូវបានគេអភិរក្សយ៉ាងល្អបំផុត ហើយនៅពេលដែលអ្នកទៅទស្សនាទីក្រុងនោះ ហាក់បីដូចបានធ្វើដំណើរត្រលប់ទៅកាន់អតីតកាល កាលពីជាង ២ ៣០០ ឆ្នាំមុន។

សំណង់អគារចាស់ៗរបស់ខ្លួនដែលមានដំបូលប្រក់ក្បឿងបុរាណ Langzhong មានសម្រស់ដ៏គួរឲ្យទាក់ទាញ។ មានហាងជាច្រើននៅតាមដងផ្លូវ ប៉ុន្តែមិនមានហាងលក់ទំនិញថ្មីៗទេ។ របរនៅទីនោះធ្វើឲ្យភ្ញៀវទេសចរមានអារម្មណ៍ថា ពួកគេកំពុងដើរក្នុងផ្សារបុរាណ មើលទិដ្ឋភាពប្រជារាស្រ្តចិញ្ចឹមជីវិតប្រចាំថ្ងៃរបស់គេកាលពីរាប់សតវត្សមុន។

រឿងមួយដែលគួរឱ្យចាប់អារម្មណ៍បំផុតនៅ Langzhong គឺ វិហារ Huanhou ដែលរំលឹកដល់ មេទ័ពខ្លា ចាង ហ្វី ដែលបានដើរតួដ៏សំខាន់នៅក្នុងការបង្កើតរដ្ឋ Shu Han នៃសម័យនគរបី នៅដើមសតវត្សទី៣។ ចាង ហ្វី ត្រូវបានគេធ្វើឃាតនៅនៅតាមផ្លូវក្នុងក្រុង Langzhong។ រឿងរ៉ាវប្រវត្តិសាស្រ្តរបស់លោកក៏ត្រូវសរសេរទៅជារឿងប្រលោមលោកប្រវត្តិសាស្ត្រ ដោយអ្នកនិពន្ធរឿងនគរបី Luo Guanzhong កាលពីសតវត្សទី ១៤ ហើយបានធ្វើឲ្យស្នាដៃអក្សរសិល្ប៍ដ៏ល្អឯកមួយនេះល្បីល្បាញទូទាំងពិភពលោក៕