តិចច្រឡំថា iPhone X ទៅ! ទូរសព្ទ Asus ស៊េរីថ្មីស្មោះ

2018-02-19 04:41:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Asus បានបញ្ជាក់រួចហើយថាស្មាតហ្វូន Android ជំនាន់ថ្មីរបស់ខ្លួននឹងបង្ហាញវត្តមាននៅថ្ងៃទី ២៧ ខែកុម្ភៈ ក្នុងកម្មវិធី MWC ឆ្នាំ ២០១៨ នេះ។ យ៉ាងហោចណាស់ស្មាតហ្វូនស៊េរីថ្មី ២ ម៉ូដែលបង្ហាញខ្លួន នោះគឺ ZenFone 5 និង ZenFone 5 Lite។

ZenFone 5 រំពឹងថានឹងមានរចនាបថបន្ថែមនូវស្នាមឆក ដូចជា iPhone X ដែលជារចនាបថកំពុងពេញនិយមមួយ ក្នុងចំណោមក្រុមហ៊ុនផលិតស្មាតហ្វូន។ បន្ថែមពីនេះ រូបភាពពិតៗមួយសន្លឹករបស់ ZenFone 5 បានលេចចេញឡើងនៅថ្ងៃនេះ ដែលបង្ហាញពីស្នាមឆកផ្នែកខាងលើរបស់អេក្រង់ រួមទាំងផ្ទៃអេក្រង់ដែលមានមាត្រដ្ឋាន 18:9 ផងដែរ។

ZenFone 5 ត្រូវបានគេដឹងថានឹងដំណើរការដោយប្រព័ន្ធប្រតិបត្តិការ Android 8.0 Oreo រួមជាមួយរន្ធតភ្ជាប់ប្រភេទ USB Type-C និងរន្ធដោតកាស 3.5 mm។ នៅផ្នែកខាងក្រោយរបស់ស្មាតហ្វូននេះ ទំនងជានឹងមានបំពាក់កាមេរ៉ាភ្លោះ រួមទាំងទ្រនាប់ស្កេនម្រាមដៃ។

ZenFone 5 នឹងមានចែកចេញជាពីរប្រភេទ ប្រភេទស៊ីមមួយ និងស៊ីមពីរ ហើយមានតួខ្លួនផលិតឡើងពីលោហធាតុលាយជាមួយនឹងកញ្ចក់។ ដំណឹងលម្អិតដទៃទៀតអំពី ZenFone 5 នឹងត្រូវបើកបង្ហាញនៅចុងខែកុម្ភៈខាងមុខ៕

ប្រភព៖ PhoneArena ប្រែសម្រួល៖ សុខហេង