CV បំពេញដោយដៃខុសអក្ខរាវិរុទ្ធព្រាតរបស់ស្ថាបនិក Apple ឆ្នាំ ១៩៧៣ គ្រោងលក់តម្លៃរាប់ម៉ឺនដុល្លារ

2018-02-25 08:45:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រវត្តិរូបការងារ ឬ CV របស់ស្ថាបនិក Apple លោក Steve Jobs កាលជំនាន់លោកនៅស្វែងរកការងារធ្វើនៅឡើយកាលពីឆ្នាំ១៩៧៣ ត្រូវបានគេរំពឹងថានឹងដាក់លក់ដេញថ្លៃក្នុងតម្លៃ ៥០ ០០០ ដុល្លារ។ នេះបើតាមទីភ្នាក់ងារព័ត៌មាន BBC ទើបបានចុះផ្សាយ។

សំណុំបែបបទសុំការងារធ្វើដែលលោកបំពេញដោយដៃ ៣ ឆ្នាំមុនពេលដែលលោកចាប់ផ្តើមក្រុមហ៊ុនដែលធ្វើឲ្យលោកក្លាយជាមហាសេដ្ឋីពាន់លាន គឺជាសំណេរដែលខុសអក្ខរាវិរុទ្ធជាច្រើន។ ប្រភពខាងលើបន្ត។

នៅលើសំណុំបែបបទ លោកសរសេរថា "មានអាជ្ញាប័ណ្ណបើកបរ" ប៉ុន្តែនៅពេលសួរថា លោកបើកបរអត់? លោកសរសេរថា "ប្រហែល តែមិនទំនងថាអាច" (possible, but not probable)។ ជិតកន្លែងទូរស័ព្ទ លោកឆ្លើយថា "អត់មាន" ។

លោក Steve Jobs

CV មួយទំព័រ ដែលរៀបរាប់ពីសមត្ថភាពជំនាញរបស់លោក រួមមាន៖ ជាវិស្វករ ផ្នែកអេឡិចត្រូនិច និង ឌីហ្សាញ ក្នុងនោះសរសេរថា "បាទ" លោកចេះកុំព្យូទ័រ។ ប៉ុន្តែគេមិនប្រាកដថាតាមរយៈ CV នោះ លោក Jobs ត្រូវបានគេហៅសម្ភាសន៍ឬអត់។ ប្រភពខាងលើបន្ត។

លោក Jobs បានស្លាប់ដោយសារជំងឺមហារីកនៅអាយុ ៥៦ ឆ្នាំ ក្នុងឆ្នាំ ២០១១ ៕

ប្រភព៖ BBC ប្រែសម្រួល៖ សុខ លាងហ៊ត