សង្គ្រាមស៊ីរី៖ ត្រឹម ២ សប្តាហ៍ មនុស្សជិត ៦ ០០០ នាក់ស្លាប់យ៉ាងរង្គាល

2018-03-09 02:28:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកជួយសង្គ្រោះដែលគាំទ្រដោយ អង្គការក្រៅរដ្ឋាភិបាល Doctors Without Borders ឬ Médecins Sans Frontière ហៅកាត់ថា MSF បានទទួលជនរងគ្រោះជាង ៤ ៨០០ នាក់ និងអ្នកស្លាប់ ១ ០០០ នាក់ នៅក្នុងរយៈពេលត្រឹមតែ ២ សប្ដាហ៍ប៉ុណ្ណោះ ក្នុងតំបន់ Eastern Ghouta ដែលគ្រប់គ្រងដោយក្រុមឧទ្ទាមស៊ីរី។

ក្រុមសង្គ្រោះខាងលើបាននិយាយថា តួលេខនេះចាប់តាំងពីការចាប់ផ្ដើមការវាយប្រហារជាថ្មីរបស់រដ្ឋាភិបាលស៊ីរី នៅថ្ងៃទី ១៨ ខែ កុម្ភៈ រហូតដល់ថ្ងៃទី ១៨ ខែ មីនា ឆ្នាំ២០១៨ ហើយវាជាការប៉ាន់ស្មានស្ទើរមួយ និងមិនរាប់បញ្ចូលទិន្នន័យនៃ MSF ទាំងអស់នោះទេ។

យោងតាមសេចក្ដីថ្លែងការណ៍កាលពីថ្ងៃពុធ បានឲ្យដឹងថា ចំនួនស្លាប់របស់ MSF ត្រូវបានធ្វើបច្ចុប្បន្នភាពចុងក្រោយកាលពីថ្ងៃអាទិត្យ។ ជាមួយគ្នានេះដែរ កន្លែងសម្រាប់ក្រុមសង្គ្រោះ MSF ១៥ កន្លែងក្នុងចំណោម ២០ ត្រូវបានវាយប្រហារដោយគ្រាប់ផ្លោង ឬ គ្រាប់បែក នៅក្នុងការវាយលុយរបស់រដ្ឋាភិបាល។

ក្រុមប្រឹក្សាសន្តិសុខអង្គការសហប្រជាជាតិ និង ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចេញការអំពាវនាវដាច់ដោយឡែកពីគ្នាមួយឲ្យផ្អាកការប្រយុទ្ធ ដើម្បីអនុញ្ញាតឲ្យជនស៊ីវិលចាកចេញពីទីនោះ ប៉ុន្តែការអំពាវនាវទាំង ២ មិនត្រូវបានគេអើពើឡើយ។